Shairi: Kamwambie nampenda

ramadhani kimweri · 2023-07-24T13:23:25+00:00

KAMWAMBIE NAMPENDA.. Mwambie ninampenda, moyo umemchagua Ananifanya nakonda, naishi kwa kuugua Aje nimfanye kinda, moyo upate kutua Nakutuma kamwambie, vile ninavyompenda. Amenichanganya kweli, kazivuruga hisia Taabani sina hali, nashindwa kuvumilia Mwambie asende mbali, siwezi kusubiria Fanya hima kamwambie, kama kweli nampenda.. Aje nimpe mapenzi, maana ninayajua Bila yeye sijiwezi, nitashindwa kupumua Kamwambie waziwazi, mwambie ataniua Nenda basi kamwambie, kiukweli nampenda.. Moyo asiudhulumu, yataniua mapenzi Kamwambie afahamu, siupati usingizi Najiona sitimamu, ataka niitwe chizi Ukifika kwamwambie, kuwa mimi nampenda.. Angejua nateseka , kuvumilia mateso Sio siri ni hakika, naishi kwa manyanyaso Siwezi hata kucheka, umekunjamana uso Basi nenda kamwambie, vile ninapata shida.. Sina furaha moyoni, nayachukia maisha Yote haya hayaoni, anavyonihangaisha Nilichokosa ni nini, hataki kunisemesha Nenda wewe kamwambie, si uongo nampenda.. [emoji2398]Ibn kimweri.

Thread starter ramadhani kimweri
Start date Jul 24, 2023

ramadhani kimweri

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Shairi: Kamwambie nampenda

ramadhani kimweri

Senior Member

Our Community

Regional Communities