40 mbaroni kwa kuuza ardhi

Rutashubanyuma · 2011-01-19T08:58:40+00:00

40 mbaroni kwa kuuza ardhi na Julieth Mkireri, Pwani JESHI la Polisi mkoani Pwani limefanikiwa kuwatia mbaroni watuhumiwa zaidi ya 40 wanaodaiwa kuhusika katika zoezi zima la kuvamia na kugawana ardhi kinyume cha sheria wilayani Kibaha na Bagamoyo mkoani Pwani. Akizungumza na waandishi wa habari ofisini kwake kamanda wa Polisi mkoani hapa Absalom Mwakyoma alisema baadhi ya watuhumiwa hao tayari wamefikishwa mahakamani kujibu tuhuma na wengine kesi zao zinafanyiwa uchunguzi ili sheria ichukue mkondo wake. Mwakyoma alisema watu hao wamekuwa wakivamia ardhi ambazo tayari zina wamiliki halali huku wao wakidai kuwa mashamba hayo ni pori kisha wanakusanyana na kugawana kinyume cha sheria tena kwa bei nafuu. Aidha alisema wahusika wakuu wa zoezi hilo la kujigawia maeneo ni pamoja na wenyeviti wa mitaa na vijiji na viongozi wengine wa serikali za mitaa jambo ambalo ni kinyume cha utaratibu wa kumiliki ardhi. Kinachonikera mimi ni mtu au kundi la watu kutochunguza kwanza ardhi wanayotaka kugawana inamilikiwa na nanibadala yake wao wanavamia tu na kuitana kugawana kiholela bila utaratibu wowote wa kupata ardhi hizo, alisema Mwakyoma. Maeneo ambayo yamevamiwa na watuhumiwa hao ni Mapinga, Kerege na Vigwaza wilayani Bagamoyo. Mengine ni Kitomondo, Visiga Mbwawa na Miswe wilayani Kibaha, ambapo watuhumiwa wanadaiwa kutokea jijini Dar es Salaam katika maeneo ya Bunju, Kigamboni na Kibamba, Kimara na Mbezi. Hivi karibuni serikali ilikemea suala hilo na kuwataka watu wanaojihusisha na uvamizi wa ardhi za watu kufuata sheria na taratibu za kumiliki ardhi na sio kuvamia kiholela.

Thread starter Rutashubanyuma
Start date Jan 19, 2011

Rutashubanyuma

JF-Expert Member

Jan 19, 2011

Rutashubanyuma

JF-Expert Member

Jan 19, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Sheria (The Legal Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts