Baada ya serikali tatu, wapemba watadai ya nne

Alex Manonga · 2014-04-15T12:54:35+00:00

Nilipokuwa nasikiliza michango mbalimbali ya wabunge wa Bunge Maalum la Katiba, nilisikitishwa na baadhi ya michango ya wabunge kutoka Zanzibar. Sehemu ya michango iliyonisikitisha ni kauli zinazoashiria ubaguzi wa rangi na kijiografia. Baadhi walienda mbali kufikia kutuhumiana kwamba wengine si wazanzibari halisi, walienda Zanzibar kwa mbio za mwenge wa uhuru. Wengine walionesha hofu ya kurejea kwa utawala wa sultan visiwani endapo Muungano utavunjika. Ukichambua kwa makini utaona wazanzibari wenyewe kwa wenyewe hawako pamoja. Majina kama "wenzetu wa upande wapili", yakimaanisha wapemba au CUF, ni kiashiria cha utengano. Itakumbukwa pia kwamba miaka michache iliyopita, kuna wazee 12 kutoka Pemba waliopeleka barua Umoja wa Mataifa kudai serikali ya Pemba. Hawakudai serikali ya Pemba kutoka kwenye Muungano wala Tanganyika, walidai kutoka Zaznzibar. Hizi hisia zipo bado, na hazitaisha pale serikali ya tatu itakapopatikana. Kwa sasa wazanzibari wanaonekana wamoja kwa sababu kazi iliyopo ni Muungano, baada ya serikali tatu, kitakachofuata ni hisia za upemba na unguja zinaweza kutupeleka kwenye mambo ya Sudan Kusini. Mungu aepushie mbali. Rai yangu kwa watanzania. Tuache kuitikisa muundo uliopo, tutasabibisha tetemeko tusiloweza kulimudu huko mbele. Wazanzibari msikubali kuingizwa shimoni na watu wanaotumika kwa maslahi ya mabeberu.

Thread starter Alex Manonga
Start date Apr 15, 2014

Alex Manonga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Baada ya serikali tatu, wapemba watadai ya nne

Alex Manonga

Senior Member

Our Community

Regional Communities