CCM nao 'warudi' Bunge la Katiba

Petro E. Mselewa · 2014-07-03T15:52:19+00:00

Sasa miito inamiminwa kuelekea Umoja wa Katiba ya Wananchi (UKAWA) unaoundwa na CHADEMA,CUF,NCCR-Mageuzi,NLD na DP kuutaka umoja huo urejee Bunge la Katiba mwezi ujao. Hii inafuatia UKAWA kujitoa katika Bunge hilo kabla hata ya kuahirishwa kwa Bunge hilo kupisha Bunge la Bajeti. Miito ya kuwataka UKAWA warejee Bunge la Katiba inatoka kwa wanasiasa,viongozi wa kidini na wananchi wa kawaida. Ni jambo jema kwa mustakabali wa Taifa letu. UKAWA wanasikia na watachukua hatua. Lakini,CCM nao wanapaswa kuambiwa kurejea Bunge la Katiba la Agosti. Kisheria, CCM hawakuwahi kuwa katika Bunge la Katiba kuanzia siku waliyoanza kujadili masuala ya serikali tatu. Nasema hivi kwa sababu zifuatazo. Mosi, Bunge la Katiba limeundwa na kusimamiwa na Sheria. Hii ni kusema, cha kujadili;namna ya kujadili;kipindi cha kujadili na mwisho wa majadiliano vyote vinaelezwa na Sheria. Sheria husika ni Sheria ya Mabadiliko ya Katiba pamoja na Kanuni za Bunge Maalum la Katiba. Pili, katika sheria tajwa,Bunge la Katiba linapaswa kujadili Rasimu ya Tume ya Warioba tu na si vinginevyo. Kujadili jambo lolote lililo nje ya Rasimu ya Warioba ni kutoka nje ya Bunge la Katiba jhata kama kimwili Wajumbe wataonekana ndani ya jengo la Bunge hilo. Nasema tena,kutojadili Rasimu ya Wariba ni kutoka nje ya Bunge la Katiba. Hivyobasi,CCM wanapaswa kurudi Bunge la Katiba mara moja. Itoshe kusema kuwa CCM haipaswi kujiona kuwa iko salama na sahihi. Wao pia wako nje ya Bunge la Katiba. Kwakuwa umebaki tu mwezi huu kwa Wajumbe kurejea Bungeni,yapaswa viongozi wa UKAWA na CCM wakutane;wajadiliane;wakubaliane kimaandishi na kisauti kuwa wote watarejea Bungeni Agosti. Watanzania wanataka Katiba mpya. Wataipata kupitia mchakato unaoendelea. Shime CCM na UKAWA, rudini Bunge la Katiba!

Thread starter Petro E. Mselewa
Start date Jul 3, 2014

Petro E. Mselewa

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

CCM nao 'warudi' Bunge la Katiba

Petro E. Mselewa

JF-Expert Member

Our Community

Regional Communities