CCM ya JANA na ya LEO

Mzee wa Gumzo · 2008-09-24T15:06:13+00:00

Wanajukwaa, Nimeona ni wakati muafaka kuwapa nafasi ya kusoma na kutoa maoni yenu juu ya mtizamo huu wa mtanzania mwenzetu kuhusu mustakabali wa taifa hili lenye umri wa miaka 47 ya kujitawala na raia wapatao zaidi ya milioni 36. ********************************** Wengi wetu tumekulia katika mazingira ya chama kimoja. Tulifundishwa na kuaminishwa itikadi ya CCM. Nikiri kwamba mimi ni muumini sana wa itakadi za TANU/CCM. Siifahamu iliyokuwa itakadi ya ASP. Ninavyoifahamu CCM ni chama chenye itakadi murua, inawezekana kupita vyama vyote barani Africa, uongozi imara na inayoamini kwenye umoja wa Tanzania na Afrika kwa ujumla. Nasema probably CCM ndicho chama imara zaidi barani Africa kutokana na kuweza kujenga umoja na upendo kwa wananchi wake. Nakumbuka juzi nilisikiliza hotuba ya mwalimu katika kipindi cha wosia wa baba akiwa anahutubia kikao cha UWT, aliuliza: Nionyesheni nchi yeyote Afrika yenye amani, upendo na umoja kama Tanzania?. Jibu lilikuwa hakuna. Aliendelea kusema Tanzania tunaweza tukawa maskini wa mali lakini kwa upande wa amani, umoja, kuvumiliana na kuheshimiana hakuna kama Tanzania. Hicho ndicho chama changu, CCM. Chama kilichokuwa hakina uvumilivu kuhusu rushwa. Chama kilichokuwa haki compromise kuhusu mambo ya nchi. Nakumbuka hata Mh. Jumbe alipothubutu kuhatarisha umoja wa nchi aliombwa kama alivyoombwa Tabu Mbeki ajiuzulu. Hiyo ndio CCM. Leo najiuliza, hivi kile chama changu ndicho hiki au limebaki jina tu? Napata wasiwasi kuwa hiki si kile chama changu. Nahisi kama chama kimetekwa na mbwa mwitu waliokusudia kuwala wanakondoo. Yafuatayo yananifanya nikione chama changu kama si kile nilichokiamini na kama vile kuna leadership crisis. (ii) Kifo cha Wangwe na Kampeni za Tarime. Msiba wa Wangwe ulipokelewa kwa hisia tofauti. Wengine waliamini ameuawa na CHADEMA. Kwa vile kiongozi mkuu wa CHADEMA ni Mchagga na anayetuhumiwa pia kuuwa ni Mchagga basi baadhi ya magazeti yakaandika Wachagga washambuliwa Tarime. Kukawa na kampeni chafu na uchochezi wa kutisha. Baadae familia ya marehemu wakatoa taarifa ya daktari waliemwamini, kifo cha Wangwe kilisababishwa na ajali. Mimi nikadhani yaliisha. Kampeni ya kiti cha ubunge Tarime ikaanza. CCM ikiongozwa na Makamu Mwenyekiti Mzee Msekwa, katibu mkuu na baadhi ya Mawaziri wakampa jukwaa ndugu yake Wangwe nao wakiwa wamekaa wakimsikiliza. Wangwe aliuawa na CHADEMA, angalia Mwenyekiti wake mchagga, mtuhumiwa mchagga. Wakuu hawa wa chama wakamshangilia, anawasaidia kupata kura. Nikajiuliza. Hivi chama changu hiki kina wabunge wangapi? Hivi kinahitaji kujenga chuki za ukabila na kichama, damu imwagike, amani itoweke ili mradi tu tupate kiti cha ubunge? Hiki si chama changu . Chama kinaongozwa na watu wanaomiliki hadi funguo za mbinguni, wakimfungia mtu duniani hata mbinguni amefungiwa? Hii si ile CCM yangu. Kama kweli Wangwe aliuawa, kwanini sheria isichukue mkondo wake? Kwanini Mbowe asikamatwe? Mwandishi mmoja alimuuliza Mwalimu Nyerere kama angeulizwa angetoa ushauri gani kuhusu kudumisha amani iliyopo. Alijibu: Amani ni sawa na mti. Ukiumwagilia maji na kuweka mbolea utastawi. Ukiunyima maji na mbolea utanyauka. Sioni kama hawa wanaochochea chuki huku wakishangiliwa na viongozi wakuu wa chama wanaweka mbolea na maji kwenye huu mti. (ii) EPA. Swala la EPA limezungumzwa sana. Lakini tunaweza kusema tu kwamba Rais ameshindwa kuilinda katiba aliyoapa kuilinda na kuitetea. Watu wote ni sawa mbele ya sheria. Iweje wahalifu wabembelezwe? Jibu ni kuwa tukiwakamata fedha zetu zitapotea. Hivi ni kwanini tulimkamata kasusura? Kwanini tulimkamata Prof Mahalu? Wezi wa mabenki, na wahalifu wengine? Kwanini tusingewapa muda wakarudisha fedha walizotuibia? Nikisema Tanzania hatufuati utawala wa sheria nitakuwa nakosea? Nijuavyo mimi Rais anaweza kumsamehe au kumpunguzia adhabu mtu aliyehukumiwa na mahakama na si mtuhumiwa? Mamlaka ya kujadiliana na wahalifu ameyapata wapi? Nadhani historia itatuhukumu. Hiki si kile chama changu. (iii)Sakata la Zanzibar si chi. Nani asiyejua Tanganyika ilizikwa mwaka 1964? Hivi Rais anapotuambia leo ndani ya Tanzania kuna nchi inaitwa Tanganyika tumwelewe vipi? Kuna mtu anaweza kunionyesha neno Tanganyika ndani ya katiba ya Jamhuri ya Muungano wa Tanzania, 1977? Rais anaogopa kuitetea na kuilinda katiba ya nchi aliyoapa kuilinda na kuitetea. Hiki si kile chama changu. Kuna mengi yanayoweza kusemwa lakini nathubutu kusema nchi kwa sasa ina tatizo la uongozi. Najiuliza, akina Kingunge, Warioba, Msekwa, Kawawa na wengine wengi waliokuwa wanafunzi watiifu wa Mwalimu wako wapi? Hivi wako tayari kuona watanzania tunachinjana Tarime kwa ajili ya kiti cha ubunge? Wako tayari kuwaona watanzania wakigawanywa kwenye makundi ya wanyonge na wakubwa? Mkubwa aliyekomba mabilioni anabembelezwa, aliyedai rushwa ya shilingi elfu 15 amesekwa miaka kumi gerezani. Sijui nini kimewasibu!. Hiki si kile chama changu Watanzania tupo wapi? Nadhani tunalojukumu. Nchi inapokosa umakini katika uongozi lazima tuzungumze, tutoe maramko hata kama hatutasikilizwa tubaki kwenye record. Na ili kufanikisha hili tusiwe washabiki wa siasa. Tufikiri, tutafute ukweli na tuuseme ukweli. Nchi ikiyumba sisi tutalaumiwa zaidi. Hapa ndipo nauona umuhimu wa Mwalimu. Ni kama baba aliyekufa akawaacha watoto wake . Watoto hawajui wafanyeje, hawana wa kuwaongoza tena. Kabla ya kifo chake alitamka: Bila ya CCM imara nchi itayumba. Maskini Tanzania, maskini CCM, chama changu nilichokipenda sana.

Thread starter Mzee wa Gumzo
Start date Sep 24, 2008

Mzee wa Gumzo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

CCM ya JANA na ya LEO

Mzee wa Gumzo

Senior Member

Our Community

Regional Communities