CCM yazidi kugawanyika

Facts1 · 2010-01-03T17:21:20+00:00

CCM yazidi kugawanyika Na George Marato 3rd January 2010 Mgawanyiko mkubwa umekikumba chama cha Mapinduzi CCM wilaya ya Musoma mjini kufuatia viongozi kadhaa kusimamishwa nyadhifa zao kwa kutuhumiwa kupokea wanachama wanaoonyesha nia ya kugombea ubunge jimbo la Musoma mjini. Viongozi waliosimamishwa ni pamoja na mwenyekiti wa kata, Mwigobero Mussa Kerenge, katibu wa CCM Kata ya Nyamatare, Rashid Mohamed na katibu wa CCM kata ya Iringo, Alex Maiga ambao tayari wamekabidhiwa barua za kusimamishwa uongozi. Kwa mujibu wa barua hizo ambazo zimeandikwa na katibu wa CCM wilaya ya Musoma mjini, Haula Kachwamba na nakala zake kupelekwa kwa mbunge wa Musoma mjini Vedastus Mathayo na katibu wa CCM mkoa wa Mara zimewasimamisha viongozi hao na kutakiwa kukabidhi vitu vyote vya ofisi mara moja. Kwa mujibu wa barua hizo za Desemba 18 mwaka jana zimesema viongozi hao wamekiuka utaratibu wa chama kwa kuanza kafanyia wana-CCM wengine kampeni kabla ya muda rasmi kutangazwa na chama hicho. Hata hivyo, viongozi hao wakizungumza na Nipashe mjini Musoma walisema hatua hiyo imefanywa kwa fitina na uongozi wa chama kwa shinikizo la mbunge huyo wa Musoma mjini kwa kutumia uwezo wake wa fedha. Walisema hawakukiuka maadili ya chama kama ilivyodaiwa kwa vile walipokea kila mwana CCM ambaye anaonyesha nia ya kugombea ubunge jimboni humo na kumsikiliza kama ilivyotangazwa na chama makao makuu na si kampeni. Walisema kitendo hicho cha fitina kilichofanywa na uongozi wa CCM kwa manufaa ya mtu mmoja kinakipeleka chama katika shimo ambalo ni hatari kwa siku za usoni hasa katika uchaguzi mkuu ujao. CHANZO: NIPASHE JUMAPILI

Thread starter Facts1
Start date Jan 3, 2010

Facts1

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

CCM yazidi kugawanyika

Facts1

JF-Expert Member

Our Community

Regional Communities