CHADEMA Iringa yamshukia Mwakalebela

Serayamajimbo · 2009-12-29T13:28:51+00:00

MWENYEKITI wa Chama cha Demokrasia na Maendeleo (CHADEMA), wilaya ya Iringa Mjini, Mchungaji Peter Msigwa amesema Katibu Mkuu wa Shirikisho la Soka Tanzania (TFF), Fredrick Mwakalebela, amepotea njia kugombea ubunge jimbo la Iringa mjini kwa kutumia michezo kwani mahitaji ya wakazi wa jimbo hilo si michezo. Alisema Mwakalebela ameshindwa ubunge jimbo la Iringa Mjini hata kabla ya uchaguzi wala kuchukua fomu hivyo anapaswa kujipanga upya kwa mwaka 2015 sio 2010 tena. Kauli hiyo ya CHADEMA imekuja huku zikiwa zimepita siku mbili toka Mwakalebela kupitia kampuni yake ya michezo Vannedrick (T) Ltd kudhamini mashindano ya Kombe la Krismasi na mwaka mpya katika jimbo la Iringa mjini kwa asilimia 100 huku akieleza kusudio lake la kugombea ubunge jimbo hilo mwaka 2010. Akizungumza na waandishi wa habari jana, mwenyekiti huyo wa CHADEMA alisema, kwa upande wake yeye na Mwakalebela ni marafiki ila katika suala hilo la kudhamini michezo kama njia ya kuwahadaa wakazi wa jimbo la Iringa Mjini haungi mkono na anachofanya Mwakalebela ni kuwachanganya wakazi wa jimbo hilo wanaohitaji kumpata mbunge atakayewatumikia kwa kufuata matakwa yao. Naomba mnielewe sio ugomvi na Mwakalebela ila napenda kumweleza ukweli kuwa hawezi kupata ubunge jimbo la Iringa mjini kwa staili hiyo ambayo amekuja nayo ya michezo kwani mahitaji makubwa ya wana Iringa sio michezo; michezo ni sehemu ya burudani kwao.Iringa wanahitaji kuelimishwa juu ya kilimo, utunzaji mazingira kwa kupanda miti, afya na maendeleo yao mengine nje ya michezo, alisema Msigwa. Msigwa alisema kwa upande wake bado anampongeza mbunge wa jimbo la Iringa Mjini, Monica Mbega (CCM), kwani ameweza kufanya kazi nzuri katika kuwatumikia wana Iringa, japo kwa sasa anapaswa kupokelewa na CHADEMA.

Thread starter Serayamajimbo
Start date Dec 29, 2009

Serayamajimbo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

CHADEMA Iringa yamshukia Mwakalebela

Serayamajimbo

Senior Member

Our Community

Regional Communities