Dharau na Kiburi vitawaponza

Mapambano Yetu · 2014-10-16T13:44:07+00:00

Mmetudharau Watanzania, mmewadharau mliowatuma waje kwetu kuchukua maoni yetu, mmewadharau viongozi wetu wa dini. Hizo dharau na kiburi chenu vitawaponza. Tubuni dhambi zenu, waombeni radhi viongozi wetu wa dini, tengenezeni makubaliano kwanza, rudini kwenye kwenye mjadala ili tupate Katiba ya wananchi. Kwanza mlitukosea kwa kutuwekea viongozi wa dini pandikizi na hasa wawakilishi wa wakristu (maaskofu ) kwenye BMK. Pili mkawadhihaki waliojaribu kuwakosoa. Sio Siri huyo mliyempa mamlaka (Sita ) hakuwa na busara hata kidogo. Ni bora angekubali maridhiano kwanza kuliko kukimbiza mchakato utadhani ni mbio za marathon. Hao wanaowavalia kijani na njano watawageuka katika mazingira yasiyoweza kupingika. Wale wazee mliowadhihaki wakianza kampeni mpaka Jumuiya sidhani Kama tshirt na kofia za njano na kijani zitafua dafu. Halafu na kule Zenj viongozi waliokuwa wanalalamika mahabusu kamwe hamtoki. Poleni sana ccm. Biblia takatifu inatufundisha na kutukumbusha kwamba adhabu ya kiburi ni mauti. Hayo yapo katika agano la kale yakithibitishwa na kiburi cha Adamu na Eva kwa kukataa mwngozo na ushauri wa Mungu wakati wanaishai katika bustiani ya Edeni. Baada ya kukaidi kumtii Mungu na hivi kujifanya wao ni zaidi ya Mungu kwa jeuri na kiburi basi walichoambulia ni mauti. Mshahara wa kiburi najeuri kinachoambatana na majivuno pamoja na ubabe ni mauti na katika agano jipya kwa wenzangu wakristo mtume Paulo katika andiko lake moja anabainisha jambo hili zito. Wahenga husema asiyesikia la mkuu atavunjika guu. Ukweli huu tunaushuhudia katika nyakati hizi za mageuzi ya kisiasa katika nchi yetu kwamba kiburi, jeuri, ubabe, wa CCM kwamba wao wana madaraka, wana jeshi lote la polisi wa kuthibiti wakosoaji, wana usalama wa taifa kunusa kila anayepinga masuala ya serikali, wana Jeshi la wananchi, na wana pesa linaelekea kufikia mwisho wake. Watu wengi wamejaribu kuishauri serikali ya CCM lakini imeamua kuweka pamba masikioni ili isisikie ushauri huo. Hiki ni kiburi na jeuri na sasa kupitia mchkato wa katiba mpya chama kimeambulia mauti. Kwanza mauti ya katiba mpya iliyopendekezwa na Tume ya Warioba na siyo ya mchakachuo na mabavu ya CCM la hasha! Na pili CCM sasa imeonyesha wazi kwa wananchi imejifia toka zamani sasa watanzania wanachosubiri ni harufu ya uozo. Haiwezekani katka dunia ya leo yenye mageuzi ya kila aina na kila nchi yafanyike isipokuwa katika kisiwa hiki cha maovu . Serikali ya CCM ni ya mawazo mgando na ulevi wa madaraka ndiyo kwa maana imeshindwa kuongoza fikra za kimageuzi, tumebakiwa na propaganda Tanzania kisiwa cha amani, tulinde umoja wetu na Muungano wetu. Lakini maanayake ni nini kwa watanzania? Hii Amani, umoja, mshikamano na muungano hauna maana kama watu hawawezi kupewa uhuru wa kujadili, kupanga, kuamua na kutekeleza mipango yao bila vitisho. Siasa za ukoloni mweusi zimewafanya Watanzania kama watoto wadogo wasioweza kufikiri, kuamua, kupanga na kutekeleza mipango ya maendeleo ya nchi yao. Watanzania wamenyimwa elimu na sasa elimu imeuawa na kuchakachuliwa vibaya sana ili serikali ya CCM iendelee kuwatawala Watanzania wajinga na wapumbavu kwa kweli inauma sana. Elimu ni nguvu (knowledge is power). Mataifa yanayoendelea yanawekeza katika elimu, badala ya kuwekeza katika siasa tena siasa chafu za fitina, majungu, mauaji, ufisadi, vitisho, umaskini nakadhalika. Watanzania wa leo wanaitwa ni wazalendo, wavumilivu, waelewa, wana amani, watulivu nakadhalika. Lakini ukweli ni kwamba Watanzania wa leo kwanza waoga, hawawezi kuthubutu kujua haki zao, na hivi hawawezi kutetea haki zao hata kama ni kwa gaharama ndogo. Watanzania bado wamejazwa hofu ya watawala, hofu ya polisi, hofu ya usalama wa taifa, na hofu ya CCM kwa wasomi na wasiosoma. Nenda kule kwetu mkoa wa Ruvuma utaona hali hii popote pale ni mateso kwa wananchi katika nchi huru. Watanzania wa leo kupitia chama cha CCM ni wavivu wa kufikiri lakini wepesi wa kuamini kila kitu kinachonenwa na watu waliojuu yao bila kutafakari. Watanzania wa leo wanapenda kushabikia upambe bas unawatosha.. Watanazaniawa bado wapo gizani na wengi hawajitambui kabisa.Kupitia kiburi cha serikali ya CCM basi Watanzania wamekuwa sugu wa kuelewa mambo mazuri ila ya kishabiki tu. Nchi yetu inakwenda kwa ushabiki kila sehemu na ugonjwa huu umeingia hata katika madhehebu ya dini kwa sababu ni watu wanatoka katika familia na jamii ile ile. Leo tunashuhudia viongozi wetu wa dini wanaangalia mambo katika jamii mpaka yanapoanza kuharibika na madhara makubwa ndipo wanakuja na matamko mazito. Hivi viongozi wa dini wamechoka nao kusoma alama za nyakati mapema?Hapa nina mpongeza Askofu Mkuu Kakobe kwa ushujaa na unabii wake. Watanzania wa leo hawawezi kushirikiana kuikomboa nchi yao, ati kwa sababu ya itikadi za kisiasa huu ni ujinga wa kupindukia. Leo hi Watanzania wote wanalalamikia maisha magumu, na wanategemea kuna mtu atakuja toka mbinguni atakuja kuwakomboa. Watanzania wanasubiri muugiza wa ukombozi, hawataki kuungana kuleta ukombozi. Kushindwa kupatikana kwa katiba mpya kulionekana toka mwanzoni lakini watanzania wenye kiburi cha CCM hawakuweza kuliona hilo kwa sababu ya upofu wa kiburi. Leo Watanzania wanashuhudia kwamba katiba mpya ni ndoto na wala sitaki kuongelea pesa iliyotumika, kwangu haisadii kuwa na katiba mbovu inayopatikana kwa matumizi mabaya ya pesa. Afadhali kutumia pesa za dunia nzima kwa kuchukua miaka 20 kuandika katiba ya wananchi na siyo matakwa ya chama tawala, hii ni alama ya ukomavu wa kiburi na matokeo yake ni mauti. Leo Mungu ameonyesha ukweli kwa Watanzania, sasa tufanye nini? Kuwashitaki Sitta na CCM kwa kupoteza pesa ya wananchi ni kupoteza muda, hamtashinda kesi hiyo walopo katika vyombo vya sheria ni wale wale. KInachotakiwa sasa ni Watanzania wote kutamka kwa pamoja kwamba Sasa CCM basi inatosha. Ni wazi CCM imeshindwa kuleta katiba mpya na haina dhamira hiyo wao wanaraka kuleta katiba ya mabavu ya CCM kwa kuchakachua rasimu ya maoni ya kwa kushirikiana na vyama vibaraka wa CCM. Dawa ni kushirikiana kuachana na CCM na vibaraka wao ili tulikomboe taifa lililopotea. Kiburi hiki cha CCM kikiendelea kupewa nafasi nyingine na Watanzania mjue nchi itakuwa makao makuu ya maafa na majanga ya kila aina. Kumbuka Matunda ya kiburi na jeuti ni mauti, tujifuenza kutoka kwa serikali ya CCM na mchakachuo wa katiba mpya. Mungu ibariki Tanganyika. Na Padre Baptiste Regina Mapunda (M.afr) frmapunda91@gmail.com

Thread starter Mapambano Yetu
Start date Oct 16, 2014

Mapambano Yetu

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Dharau na Kiburi vitawaponza

Mapambano Yetu

JF-Expert Member

Our Community

Regional Communities