Dkt Mwinyi: Mtoa taarifa na shahidi atalindwa

Suley2019 · 2024-07-11T16:39:26+00:00

Rais wa Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi amesema tayari Tanzania imeanza kutumia sheria ya mwaka 2015 sura ya 446 katika kumlinda mtoa taarifa na mashahidi kwa makosa mbalimbali yaliyoshuhudiwa yakitendeka kwa kuwapatia ulinzi wa kisheria watoa taarifa ili kuongeza mapambano ya uhalifu nchini. Rais Dkt.Mwinyi aliyasema hayo wakati wa Maadhimisho ya Siku ya Mapambano Dhidi ya Rushwa Afrika katika ukumbi wa kimataifa wa maonesho ya biashara Nyamanzi, Mkoa wa Mjini Magharibi tarehe 11 Julai, 2024.Aidha Rais Dkt. Mwinyi amesema sheria ya kumlinda mtoa taarifa itasaidia ulinzi, kuwapa motisha na kulipa fidia kwa watoa taarifa pamoja na mashahidi ili kuwaongezea imani na kuimarisha usalama wa maisha yao. Vilevile Rais Dkt. Mwinyi ameeleza kuwa mapambano dhidi ya rushwa na ufisadi wa mali za umma ni kipaumbele cha serikali katika kuchochea malengo ya maendeleo yaliyokusudiwa Kwa upande mwingine Rais Dkt. Mwinyi amezipongeza jitihada za taasisi ya ZAECA na TAKUKURU kwa mapambano dhidi ya rushwa na uhujumu uchumi nchini, pia ametoa wito wa kuendeleza jitihada za mapambano ya rushwa nchini.

Thread starter Suley2019
Start date Jul 11, 2024

Suley2019

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Dkt Mwinyi: Mtoa taarifa na shahidi atalindwa

Suley2019

JF-Expert Member

Our Community

Regional Communities