Faida za kusoma Vitabu

Salumsas · 2020-09-26T14:53:09+00:00

Salute Bosses!! Karibu kwenye mada yetu ya leo,,, Leo ningependa tujue umuhimu wa kusona vitabu na makala za kuelimisha,lakini pia tujifunze na kuanza kujisomea vitabu. FAIDA ZA KUSOMA VITABU 1.Unapata kujua mambo mapya. Kupitia kusoma unapata kujua vitu vipya,taarifa mpya na mbinu mpya za kutatua matatizo Ili uweze kupata yote haya lazima uanze kusoma. Anza leo jiwekee utaratibu wa kusoma vitabu kila siku lakini pia jiwekee utaratibu wa kusoma makala za kuelimisha kila siku. 2.Ukuaji binafsi. Kusoma kunakufanya wewe ukue kiakili, unaanza kuielewa dunia taratibu na unaanza kuwa na uelewa mkubwa wa mambo ya muhimu Kwa mfano; Unajua umuhimu wa kujiamini,namna ya kutengeneza mipango kabla ya kuchukua hatua,namna ya kukariri mambo vizuri na haraka vitu hivi vyote huanzia kwenye kusoma vitabu. Kupitia kusoma unaelewa njia ya kuendelea mbele na mbinu za kuchukua ili kufikia mafanikio. 3.Unaongeza uelewa. Kadri unavyosoma ndivyo unavyoelewa kitu kimoja baada ya kingine,na unakielewa mwanzo hadi mwisho. Kusoma pia kunakufanya uweze kuishi katika jamii vizuri. Unaweza kujua namna ya kuanzisha biashara,namna ya kuhudumia wateja wako,namna ya kukabiliana na changamoto zinazojitokeza katika biashara n.k. 4.Maandalizi kabla ya jambo lolote. Kabla hujachukua hatua yoyote unaweza kupata wapi msaada na mwongozo? Ni kupitia kusoma. Katikadunia ya sasa kujua faida na hasara ni muhimu, kujua taarifa za watu waliofanya jambo fulani na wakashindwa kufanikiwa kutakusaidia kujua wakikosea wapi na hivyo kujipanga kutatua changamoto walizo kutana nazo wengine. 5.Unapata ujuzi kutoka kwa watu wengine. Unapokuwa mtu wa kusoma unapata ujuzi kutoka kwa watu wengine.Hii inaweza kukusaidia kuleta maendekeo ya haraka kwenye malengo yako. Katika dunia ya sasa kuna mabilionea zaidi ya 4000 na mamilionea zaidi ya elfu 12 . Ili kufikia mafanikio aliyoyafikia mmoja wapo unahitaji kusoma na kujua, ni kwa namna gani ameweza kufikia mafanikio? Ni mbinu gani ametumia kuweza kufikia mafanikio?changamoto gani amepitia? Amezitatuaje? Hayo yote hukurahisishia mwelekeo wa kufikia mafanikio kwani huhitaji kurudia makosa yaleyale yaliyofanywa na mtangulizi wako. 6.Ni njia ya kuwasiliana . Tupo kwenye zama za taarifa ambapo mtu mwenye taarifa sahihi na anyeifikisha kwa hadhira ndani ya mda sahihi ndiye anatengeneza pesa. Huwezi kupata taarifa sahihi kama wewe sio mtu wa kusoma na kujua mabadikiko yanayotokea katika dunia hii. Huwezi kuwashirikisha wenzako jambo jipya kana wewe sio mtu wa kusoma. Kumbe ni muhimu sana wewe kuanza kusoma sasa ili kujipatia taarifa sahihi kwa mda sahihi Unahitaji kusoma nakujua mambo yanayoendelea na kujua jinsi ya kukabiliana na mbadikiko. ASANTE.

Thread starter Salumsas
Start date Sep 26, 2020

Salumsas

Member

Sep 26, 2020

Superpower

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Faida za kusoma Vitabu

Salumsas

Member

Superpower

JF-Expert Member

Our Community

Regional Communities