Jimbo jipya la uchaguzi

Vawulence · 2010-12-05T10:07:29+00:00

Walemavu 'walilia jimbo lao la Uchaguzi Imeandikwa na Jasmin Shamwepu, Dodoma; Tarehe: 4th December 2010 @ 22:50 Imesomwa na watu: 28; Jumla ya maoni: 0 SHIRIKISHO la Vyama vya Watu wenye Ulemavu Tanzania (SHIVYAWATA) limeiomba serikali kufikiria uanzishwaji wa Jimbo la Uchaguzi kwa ajili ya watu wenye ulemavu tofauti na ilivyo sasa. Ombi hilo lilitolewa na Mwenyekiti wa SHIVYAWATA, Lupi Maswanya alipokuwa akisoma taarifa yake kwenye Maadhimisho ya Siku ya Watu wenye Ulemavu Duniani yaliyoadhimishwa juzi kitaifa mkoani Dodoma. Alisema pamoja na kuwepo nafasi tatu za watu wenye ulemavu, lakini bado wabunge hao hawawezi kuwajibishwa na vyama vya watu wenye ulemavu kutokana na wabunge hao kutotoka katika vyama hivyo. Lupi alisema watu wenye ulemavu wanatakiwa kupata nafasi za kuwatetea watu wenye ulemavu bungeni na ambao wanatokana na walemavu wenyewe tofauti na ilivyo sasa ambapo watu wenye ulemavu huteuliwa kupitia Umoja wa Wanawake Tanzania (UWT). Alisema wanaiomba serikali kuhakikisha inatoa nafasi za watu wenye ulemavu kwa kuwashirikisha kikamilifu kwa kupewa fursa katika vyombo mbalimbali vya kutoa uamuzi kuanzia ngazi ya Serikali za Mitaa hadi Serikali Kuu bila kuwasahau katika uteuzi wa nafasi mbalimbali za kiutendaji. Tunaiomba serikali itenge na kutoa ruzuku kwa mujibu wa sheria ndani ya bajeti ya serikali ya kila mwaka kwa ajili ya shughuli zote za watu wenye ulemavu hapa nchini, jambo ambalo litatuwezesha kujikwamua kimaisha, alisema Lupi . Alisema kiasi kinachotolea na serikali sasa cha Sh milioni 2.5 kwa kila chama ni kidogo, kwani hakiendani na maisha halisi ya sasa hivyo kinatakiwa kiongezwe ili kuweza kuvifanya vyama vya watu wenye ulemavu kufanya kazi kwa ufanisi. Aliiomba serikali kupitia Wizara ya Tawala za Mikoa na Serikali za Mitaa (TAMISEMI) kuhakikisha halmashauri zote nchini zinatenga na kutoa ruzuku kila mwaka kwa ajili ya shughuli za watu wenye ulemavu ndani ya maeneo husika. My take: Kuna mtu ameona upenyo hapa anataka kuutumia. Kwani viti maalumu hamna walemavu!!?

Thread starter Vawulence
Start date Dec 5, 2010

Vawulence

JF-Expert Member

Dec 5, 2010

Ndinani

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts