JK awashangaa wanaoikashifu katiba

Dingswayo · 2014-10-12T08:09:14+00:00

Rais Jakaya Kikwete amewashangaa watu wanaodai kuwa Katiba inayopendekezwa ni mbaya na kuhoji kama hiyo mbaya, nzuri ikoje. Amesema Katiba inayojali makundi yote ndani ya jamii kama ilivyo Katiba inayopendekezwa, kamwe haiwezi kuwa mbaya. Rais Kikwete aliyasema hayo kwa nyakati tofauti juzi, wakati alipozungumza na wananchi katika maeneo mbali mbali ya Mkoa wa Mwanza, ambako anafanya ziara ya siku tatu ya kikazi kukagua na kuzindua miradi ya maendeleo. Akizungumza na wananchi mjini Kisesa ambako ameweka jiwe la msingi la ujenzi kwa kiwango cha lami na Barabara ya Usagara-Kisesa, Rais Kikwete amewataka wananchi kuwapuuza watu wachache wanaodai kuwa Katiba inayopendekezwa ni mbaya na badala yake wajiandae kuipigia kura ya kuikubali wakati ukiwadia. Sijui katiba nyingine duniani ambayo inajadili makundi yote ndani ya jamii kama hii Katiba inayopendekezwa. Hakuna aliyeachwa wavuvi wamo, wajane wamo, wafanyabiashara ndogo ndogo wamo, akinamama lishe wamo, wakulima wamo, wafugaji wamo.kila mtu yumo. Akinamama ndiyo usiseme kabisa wao wamepata hata asimilia 50 kwa 50 ndani ya Bunge. Hivi katiba mbaya inakuwa kama inayopendekezwa na kama hii inayopendekezwa ni mbaya, nzuri ikoje? Rais Kikwete amewatahadharisha wananchi na watu wanaokuja kuwashawishi kuwa Katiba inayopendekezwa ni mbaya kuwa wawasikilize lakini watumie akili zao. Aliwataka wajiandae kupiga kura na kuunga mkono Katiba inayopendekezwa kwa sababu ni Katiba nzuri inayogusa maslahi ya makundi yote. Katika hatua nyingine, Rais Kikwete amezitaka halmashauri nchini kuepuka vishawishi vya kutumia fedha za maendeleo ya wananchi kulipia posho za vikao vya madiwani. Akizungumza na wananchi na viongozi wa mkoa wa Mwanza wakati akiweka jiwe la msingi la ujenzi wa Barabara ya Usagara-Kisesa kwa kiwango cha lami, umbali wa kilomita 16 kutoka mjini Mwanza, alisema amejulishwa na Waziri wa Ujenzi, John Magufuli kuwa kwa mwaka huu wa fedha, mkoa wa Mwanza utapewa kiasi cha Sh.bilioni 7.2 kwa ajili ya ujenzi na ukarabati wa barabara za mkoa huo ambazo ziko chini ya Halmashauri, nyingi zikiwa za vijijini. Fedha hizo kutoka Mfuko wa Barabara ni kiwango kikubwa zaidi cha fedha ambazo zimepata kutolewa kwa mkoa huo kwa ajili ya ujenzi na ukarabati wa barabara za halmashauri ambazo haziko chini ya Wakala wa Barabara wa Tanroads. Fedha hizi ni nyingi. Kwa kweli kwa sasa, tatizo siyo upatikanaji wa fedha. Tatizo ni mchwa unaotafuna fedha hizi za umma. Kwa hiyo fedha hizo nyingi ambazo mnapewa msizitumie kulipia posho za madiwani. Jipangeni vizuri, zitumieni vizuri fedha hizo, alisema. Rais aliweka jiwe la msingi la ujenzi wa barabara hiyo ya Usagara-Kisesa yenye urefu wa kilomita 16.95 ikiwa ni sehemu ya ziara yake ya siku tatu ya kikazi katika mkoa huo. Kaimu Mtendaji Mkuu wa Tanroads, Injinia C. Ako amemwambia Rais Kikwete kuwa ujenzi wa barabara hiyo unafanywa na kampuni ya kizalendo ya Nyanza Road Works Limited na imepangwa kumalizika katika kipindi cha miezi 15. Rais Kikwete amelifungua daraja la wavukaji kwa miguu katika eneo la Mabatini ambalo limepunguza kwa kiasi kikubwa madhara ya watu kugongwa na magari na pia msongamano wa magari katika barabara ya Mwanza-Musoma. Barabara hiyo inapitisha magari 30,000 kila siku na takwimu zinaonyesha kuwa wastani wa watu wanane walikuwa wanagongwa na magari katika eneo hilo na wawili walikuwa wanapoteza maisha. Rais Kikwete pia alizindua jengo jipya la Mfuko wa Pensheni (PPF), lililopo katikati ya Jiji hilo. CHANZO: NIPASHE JUMAPILI

Thread starter Dingswayo
Start date Oct 12, 2014

Dingswayo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

JK awashangaa wanaoikashifu katiba

Dingswayo

JF-Expert Member

Our Community

Regional Communities