Katiba, demokrasia na Mahakama

Mag3 · 2008-11-08T23:05:36+00:00

Yanayotokea hivi sasa jimbo la California nchini Marekani baada ya uchaguzi ulioisha hivi majuzi, yamezua maswali kuliko majibu. Hapo nyuma wakazi wa CA waliwahi kupiga marufuku ndoa za mashoga kwa kupiga kura na kurekebisha katiba. Mashoga ambao hawakuridhika na maamuzi ya wengi walifungua kesi mahakamani kupinga uamuzi huu kwa kusema inawabagua na kuwanyima haki yao ya msingi kwenye katiba. Mahakama ilikubaliana nao na kuruhusu ndoa za mashoga kwa kigezo cha usawa kwa wote kama ilivyooanishwa kwenye katiba. Kwenye uchaguzi huu uliopita wakazi wa CA kwa mara nyingine wamepitisha katiba kwa kuzikataa hizo ndoa. Mashoga hawaonekani kukubali hii hali na wako mbioni kufungua tena kesi mahakamani. Kusema kweli nimeshindwa kuelewa kinachotokea hapa na nimebaki najiuliza maswali kadhaa. Hivyo naomba wanasheria na wataalamu wa katiba watoe darasa hapa wanisaidie kujibu maswali yafuatayo; 1. Je ipi inatangulia kati ya katiba na matakwa ya wananchi kujiamulia wanavyotaka kuendesha maisha yao. 2. Mipaka ya mahakama inaanzia na kuishia wapi bila kuingilia katiba. 3. Demokrasia, kama maamuzi ya wengi, inapewa uzito upi ndani ya katiba. 4. Je katika kulinda haki za wachache ndani ya demokrasia, mahakama ina haki ya kutokuheshimu maamuzi ya wengi. 5. Hili sakata litaweza kumalizika vipi kama mahakama itaendelea kubatilisha maamuzi ya wakaazi wa CA. Naomba kuwasilisha.

Thread starter Mag3
Start date Nov 9, 2008

Mag3

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Katiba, demokrasia na Mahakama

Mag3

Platinum Member

Our Community

Regional Communities