Katiba mpya, tuache unafiki tuseme kweli.

GNA · 2014-08-13T18:07:04+00:00

Na Godfrey Nangeda. Vuguvugu la katiba mpya, ndio habari inayo chukua nafasi, katika vyombo mbali mbali vya habari, na mijadala yake imefika maeneo tofauti tofauti ya watu. Makazini, vijiweni, mitaani, na sehemu mbali mbali katika jamii. Watoto wa mjini wanasema, katiba mpya ndo habari ya mjini. Jambo moja la kutafakari na la kujiuliza katika hili ni? Nani mkweli kati ya Tume ya Jaji Joseph SindeWarioba, Ukawa naTanzania kwanza? Mamlaka zilizopo kihalali kwa mujibu wa sheria. Tume ya Jaji Warioba Mchakato wa kupata katiba ya Jamhuri ya Muungano ulianza kwa kutungwa Sheria ya Mabadiliko ya Katiba na baadaye kupitia sheria hiyo Tume ya kukusanya maoni ya wananchi ikaundwa kwa ajili ya kukusanya maoni na kuandaa rasimu ya katiba. Kwa mujibu wa sheria hiyo ya mabadiliko ya katiba kwa sasa tumebakiza hatua mbili ili kukamilisha mchakato wa katiba. Hatua hizo ni Bunge la Katiba na kura za maoni . Hatua zote za mchakato wa kupata katiba zinatofautiana na zina mamlaka tofouti na zinapaswa kuwa shirikishi kwa wananchi wote. Katika taifa lolote lile msingi wa uendeshaji wa Taifa hutegemea sana sheria kuu . Katiba huainisha tunu na misingi ya nchi yoyote, pia hutoa migawanyo na ukomo wa madaraka na majukumu mbalimbali ya mihimili mikuu ya dola. Kutokana na umuhimu huu mchakato wa katiba ni lazima uwe shirikishi katika ngazi zote . Katiba ina paswa kuzingatia mambo ya wananchi ili kuifanya waimiliki na kuiheshimu katiba hiyo kwani wao ndio wenye mamlaka na taifa lao na namna gani wangependa liwe. Ukiwa na Katiba ambayo wananchi hawakushiriki vizuri, lazima Katiba hiyo itakuwa vigumu kupata utekelezaji na umiliki wa wananchi. Historia inatusuta kuwa mipango na michakato mingi ya kikatiba baada ya kupata uhuru haikuwashirikishi bali ilihusisha tu viongozi. Katiba ya kwanza ya Tanganyika ya 1961 ilipatikana kupitia Bunge la Kikoloni, katiba ya 1962 ilipatikana kupitia white paper na sheria ya Bunge la Katiba ikatumika kugeuza bunge la kawaida kuwa Bunge la Katiba, hali kadhalika katiba ya Muungano ya 1964 na ile ya Muda ya 1965 zote hazikupata Baraka za wananchi. Mwaka 1977 Katiba yetu inayotumika hadi leo iliundwa na kamati ya chama iliyogeuzwa kuwa tume ya katiba na baadae tume hiyo kupeleka maoni yake na mitazamo kwa Kamati Kuu ya Chama cha Mapinduzi (CCM). Kamati hii ya Chama ndiyo ilipeleka rasimu kwenye Bunge ili kujadiliwa na kupitishwa. Michakato yote hiyo haikushirikisha wananchi tofouti na huu wa sasa, wa tume ya jaji Warioba na wajumbe wake. Kwa namna moja au nyingine tume imefanya ilicho fanya na kutuletea ilicho kuta kama ilivyo tumwa,(kukusanya na kuratibu,siokutengeneza katiba), baada ya tume kutuletea ilicho pata kutoka kwa wananchi, yakaanza maneno ya chini chini, baadae yakawa maneno ya juujuu. Wapo waliooipongeza kazi yatume, wapo pia walioilani tume, kwangu mimi wote hawa hawaninjimi usingizi, kwa sababu tunaishi katika dunia ambayo tunatofautiana mambo mengi, kuanzia malezi, ushirika katika maswala mbali mbali ya kijamii, elimu tulizo nazo tuna tofautiana maslahi, kwahiyo lazima tuwena mitazamo tofauti kwani tuko tofauti, ilatofauti zetu inabidi zituletepamoja katikakupata katiba bora. Tanzania kwanza, hiki ni kikundi cha watu wanaosema wanatetea katiba ya wananchi,ukiwaangalia watu hawa kwa undani kidogo, utakuta ni wale wajumbe wote, ambao mtazamo wao una randana au unafanana, na wajumbe wanaotoka CCM, na wale wote wakundi la miambili na moja wanao shabihiana na msimamo wa chama tawala, hawa wanajiita wanatetea maoni ya wananchi, na wanaamini mfumo uliopendekezwa na tume ya Mzee Warioba una mushkeli kwa Taifa kwa siku za usoni. Pia ukiwasikiliza vizuri wanajenga hoja kwamba mbona kuna maooni ya mabaraza ya katiba baadhi yao yaliachwa na tume, halafu wanakwenda mbali wana sema kuna baadhi ya mikoa mbona maooni yao ni kiduchu sana. Kwao wanaona pia kuna asilimia kubwa ya watu hawakupendekeza mfumo huu unaopigiwa chapuo na tume ya Jaji warioba. Kwahiyo wanaona mchakato huu haukua halali sana na wala sio mzuri. Naomba maswali yanguyaanzie hapa, unaweza kushaanga kwanini sikuanza maswali na tume, sababu ya msingi ni kwamba tume hiihaijawahi kupewa nafasi na mamlaka zilizopo ili iieleze utata unaojitokeza kulingana na makundi mbali mbali ya wanajamii wanavyo chambua hizo rasimu zake, ilizo wasilisha, narudia tena tume hii haijawahi kupewa nafasi ya kuelezea utata wowote unaoonekananamakundi mbali bali yawana jamii, kikubwa kilicho fanywa na mamlaka ni kujaribu kuifuta(delete)sio kifuto cha kawaida na kufunga tovuti yake, kumbuka maneno yamzee Butiku kwamba kuna vitabu vya tume vilifichwa day one badala yake zimejitokeza taassisi na asasi mbali mbali na vyombo vya habari vya binafsi vinavyo jaribu kuwaelewesha watu nini tume ilimaanisha, wakati mwingine muktadha na maantiki ya mijadala hiyo inakuwa migumu kuifanyia uchambuzi jadidi kwa kuwa hatujui misimamo, mitazamo na sera za vyombo hivyo au hizo taasisi, kwa hi hiyo tunashindwa kutoa hukumu sahihi, isiyo kuwa na mawaa. Tanzania kwanza, kundi hili halipo kisheria na wala hatujui wamejipanga vipi kimkakati na lengo lao mwisho wa safari ni nini, limeibuka tu kama uyoga au kama alivyo ibuka Babu wa Samunge Loliondo, Hatuoni mipango madhubuti,wala dhima nzima iliyoko nyuma yao bali tunacho kiona kwa kua walioko kwenye uongozi, (wenyewe wanajisikia raha ukiwaita walio kwenye utawala), kwa kua wana taka hicho basi na wafuasi wote wanao shabikia kundi hili wote wanafuata hivyo hivyo, mwisho wa safari sijui watajikuta wapi, mimi na wewe yetu macho. Kundi hili limejinasibu linashabikia serikali mbili, au uundwaji wa katiba ya wananchi itakayo tambua nchi moja yenye serikali mbili,(ingawa sasa hatuna nchi moja angalia mabadiliko ya katiba ya Zanzibar 2010) wanasema wanachi hawataki tatu kwani tatu ni mzigo, sijui lini walikwenda kwa wananchiwakapata maooni hayo ya serikali mbili, kwani wote tunakubaliana tume ya warioba ilikuwa kisheria kwenda kufanyakazi iliyo tumwa,ndio maana wote hawa hawasemi tume haikuwa kisheria kufanya kazi iliyo ifanya,wote wanaitambua tume na kazi iliyo fanya, kwa hiyo wote wanakubaliana tume imefanyakazi na kazi hiyo ina tambuliwa tofauti yao ni kwamba, hiki tume ilicholeta wengine wanakubali ni sahihi, na wengine wanakataa wanasema kina walakini. Kwenu njie mnao kataa kazi ya tume kwamba si sahihi, lini mliitaka tume iwaeleze kinaga ubaga wa hizo taarifa zake , lini mliitaka tume iwafafanulie icho msicho kielewa? Watu wamebaki kupayuka na kutengeneza propaganda, mara tume haikutumwa hivyo, mara mzee warioba kafanya yakwake nasio yawananchi. Swali la msingi nyie mnao simamia serikali mbili lini mlikwenda kukusanya maoni kwa wananchi mkaja na hiyo rasimu ya wananchi ina yo akisi maoni ya hizo serikali mbili?, binafsi huwanasema utafiti hujibiwa kwa utafiti, na sio blabla. Kundi hili limejipambanua hadharani namna lilivyo na linacho kitaka. Tatizo lakundi hili halina sehemu ya kujificha kama tutakavyo ona wenzao wa ukawa. Ndio maana linaonekana ni baya na halifai katika mstakbali wa kupata katiba bora. Ukichunguza kwa undani kidogo utakuta wala sio wananchiwanao watetea bali wanajaribu kuhakikisha mambo yana kwenda watakavyo ili maslahi yao yalindwe. Kwani wana amini endapo mfumo ukibadilika hata maslahi yao yata kuwa shakani, kwa hiyo fanya ufanyavyo bora punda afe mzigo wa mfalme ufike. Ukawa, wanajiita umoja wa katiba yawananchi, mchezo ni uleule kama wa wenzao Tanzania kwanza, maslahi mapana ya wanasiasa, hakuna jipya hapa, kama walivyowenzao wanafanya propaganda za kudai wana tetea msimamo wa wananchi wa tume ya Warioba wenye mapendekezo ya serikali tatu. Uzuri kidogo wa hawa mabwana, wanasehemu ya kujificha, wanajificha kwenye mwanvuli wa tume yam zee Warioba, na kwakua wananchi wengi wanapenda kusikia mambo ya tume ya jaji Warioba kwahiyo wana bebwa mzobemzobe lakini wenyewe wanaamini endapo tume ya Warioba maoni yao yakiheshimiwa basi uchaguzi mwakani 2015 utakuwa laini kwao, na CCM itaangushwa na wao kuchukua nchi(poor thinking). Katiba si swala la kisiasa pekee wala si swala la kisheria pekee, bali pia katiba niswala lamaridhiano, namna tutakavyokubaliana na kwapamoja kuelewana ni namna gani tungependa sote kwa pamoja nchi yetu iweje, ijiendesheje, ni swala la sisi sote tunapangaje mambo yetu na tungetegemea tuendesheje. Hata ikifikia tukakubaliana kusiko kukubaliana, basi iwe yote hayoni kwa maslahi ya sisi sote na vizazi vijavyo vya taifa hili. Napenda kurudia tena si kikundi cha Tanzania kwanza wala Ukawa wanao dai kwamba wana akisi maoni ya wananchi, wote hawa wamejikita katika mrengo wa kisiasa wakufikiri mfumo fulaniukikubaliwa utakuwa nafuu kwao na wala sio maslahi mapana ya taifa hili. Tume ya kukusanya maoni angalau ina weza kujinasibu imefanya kazi iliyotumwa na ukweli tume hii hakuna hata mtu mmoja anaeikataa tume hii au aliyependekeza tofauti wakati inaapishwa na wakati ina kwenda kufanya kazi iliyo tumwa. Kizungumkuti kinatokea baada ya tume kuleta kitu ambacho baadhiya wakubwa wetu wanaona kama ni dhihaka kwao. Vikundi hivivyote viwili kwa asilimia kubwa vinatokana na wabunge wavyama tofauti tofauti, wakajaribu kujikusanya na kutengeneza umoja wao, hawa wakajiita Ukawa, wengine Tanzania kwanza ingawa ndani yao kunawafuasi wanao penda misimamoyao. Mwisho kwa kuhitimisha makala yangu ni ngependa kuwataka watanzania wote tuache maslahi mepesi ya baadhi ya viongozi mbalimbali ambao tunawapenda, na tuache ubinafsi wakutanguliza matumbo yetu, kwa kutetea au kujificha nyuma ya mfumo fulani tukiamini utakuwa jibu mujarab kwa maslahi yetu, tupende kujaribu kufuatilia mambo kwa kina na tuweke mstakbali mpna wa kutengeneza katiba bora kwa manufaa ya taifa zima. Tujitaidi kuangalia viongozi tunao waamini wana malengo na taifa hili,? Au ni maslahi tu,tupime kaulizao na matendo yao kama hazina maono mema tuwakimbie, kwani taifa hili ni letu sote na sisi sote ni ndugu. Sisi sote ni ndugu. 0717008781/0756314274 godfreynangeda@gmail.com godfreynangeda@yahoo.com(dawati laujamaa.blogspot.com

Thread starter GNA
Start date Aug 13, 2014

GNA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Katiba mpya, tuache unafiki tuseme kweli.

GNA

JF-Expert Member

Our Community

Regional Communities