Kesi ya kumtishia mke wa Mbowe yaunguruma

Rutashubanyuma · 2011-04-16T04:12:27+00:00

Kesi ya kumtishia mke wa Mbowe yaunguruma Na Angelina Mganga KESI ya kutishia kuua kwa maneno iliyofunguliwa na mke wa Mwenyekiti wa Chama cha Demokrasia na Maendeleo (CHADEMA), Freeman Mbowe katika Mahakama ya Mwanzo Kariakoo, Dar es Salaam, imeanza kuunguruma. Hakimu Jonas Mahende jana alianza kusikiliza ushahidi wa mlalamikaji dhidi ya mlinzi wa Klabu ya Bilicanas, Bw. Herman John (36) anayedaiwa kutishia kumuua kwa kumtumia ujumbe mfupi wa maneno. Ilidaiwa mahakamani hapo na Karani, Bi. Hatanawe Kitogo kuwa Februari 3 mwaka huu, katika club hiyo iliyopo wilayani Ilala, Dar es Salaam, Bw. John alitishia kumuua Lilian. Bi. Kitogo alidai kuwa, mshtakiwa alituma ujumbe mfupi wa maneno kupitia namba 0762 055605 uliosema kuwa anampa siku saba Lilian amuachishe kazi mtu anayeitwa Power, na kima cha chini cha mshahara wake kiwe 320,000/- la sivyo atakuwa hatarini. Bi Mbowe aliileza mahakama kuwa mlamikaji alianza kazi ya ulinzi nyumbani kwake Mikocheni mwaka 2009 tangu alipoajiriwa na baadaye kulinda kwenye klabu hiyo. Bi. Mbowe alieleza kuwa baada ya kupokea ujumbe huo, aliamua kushauriana na mumewe ili amhoji mshtakiwa, lakini mumewe alimwambia akaripoti polisi. Shahidi namba moja FF 2255 DC Mboka (35) alithibitisha kuwa wakati wa upelezi, mshtakuwa alikutwa na laini mbili za simu na askari alipata uhakika kupitia Vodacom kujua simu iliyotumika kutuma ujumbe huo ni ya mshitakiwa. Shahidi wa pili Julius Paul (51) ambaye ni Meneja wa Klabu Bilicanas, alimhamisha mshitakiwa kwenda kulinda Mikocheni kwa mama huyo na ndipo alitoa maneno ya vitisho ya kuongezwa mshahara na hadhi kwa wafanyakazi. Kesi imeahirishwa mpaka Mei 3, mwaka huu ili mshtakiwa aanze kujitetea kutokana na vielelezo vilivyoletwa na mlalamikaji.

Thread starter Rutashubanyuma
Start date Apr 16, 2011

Rutashubanyuma

JF-Expert Member

Apr 16, 2011

Rutashubanyuma

JF-Expert Member

Apr 16, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Sheria (The Legal Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts