Kibaki Afuta Adhabu Ya Kunyongwa.

Junius · 2009-08-03T18:38:39+00:00

Rais Mwai Emilio Kibaki wa Kenya ametoa msamaha kwa wafungwa zaidi ya 4000 waliohukumiwa kunyongwa na badala yake watatumikiwa kifungo cha maisha. Msamaha huo unawahusu wafungwa wote waliohukumiwa kifo ambao wanasubiri hukumu hiyo katika gereza kuu la Kamiti lillopo katika viunga la jiji la Nairobi. Taarifa hiyo ya rais Kibaki iliyosomwa na makamo wa rais wa Kenya Bw. Kalonzo Musyoka ilisema kuwa msamaha huo hauna maana kuwa nchi ya Kenya imepiga marufuku adhabu ya kifo na amesisitiza kuwa mahakama bado zinaweza kuendelea kutoa adhabu hiyo. "wafungwa wanaosubiri kunyongwa hawafanyi kazi yoyote gerezani, wamekaa tu, wanakula na wanalala hivyo wanakuwa mzigo kwa serikali na inawathiri kisaikolojia kukaa tu wakisubiri siku gani watanyongwa" ilisema taarifa ya rais Kibaki. Wafungwa hao ambao wengine wana miaka zaidi ya 22 gerezani wakisubiri hukumu hiyo sasa watatumikia vifungo vya maisha. Kenya haijatekeleza adhabu ya kifo kwa zaidi ya miongo miwili sasa na rais Kibaki amewataka wataalamu wa sheria kuweka majadiliano ya kitaifa kutafuta namna ya kupiga vita adhabu ya kifo ambayo bado ipo katka sheria za Kenya licha ya msamaha huo wa rais. Hatua hiyo inakuja siku chache tu baada ya wafungwa wanaosubiri kunyongwa katika gereza moja nchini Kenya kufanya fujo na vituko katika chumba cha gereza wakishinikiza kutekelezwa adhabu zao badala ya kuachwa wakiteseka. Nchi za karibuni kabisa kufuta adhabu hiyo ya kifo katka sheria zake barani Afrika ni Rwanda na Togo. source:voa

Thread starter Junius
Start date Aug 3, 2009

Junius

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kibaki Afuta Adhabu Ya Kunyongwa.

Junius

JF-Expert Member

Our Community

Regional Communities