Kigogo afanyiwa umafia

Herbalist Dr MziziMkavu · 2010-03-12T01:43:07+00:00

Amani Na waandishi Wetu Jamaa mmoja aliyefahamika kwa jina moja la Jafari a.k.a Osama au Kigogo, mkazi wa Mtaa wa Itungi uliopo Magomeni Mwembechai, jijini Dar es Salaam, hivi karibuni alijikuta akipatwa na aibu ya mwaka baada ya kufanyiwa umafia wa kutisha, chanzo kikidaiwa kuwa ni kukutwa na mke wa mtu... Kigogo afanyiwa umafia Amani Tukio hilo la aina yake lilijiri mwishoni mwa wiki iliyopita katika nyumba ya kulala wageni (jina tunaliminya) iliyopo Manzese Tip Top kufuatia madai ya Kigogo huyo kukutwa na mwanamke huyo aliyefahamika kwa jina moja la Joha ambaye ni mke wa jamaa mmoja aliyefahamika pia kwa jina la Jafari. Akilimwagia udaku Amani juu ya tukio hilo, mtoa habari wetu aliyeomba chonde chonde jina lake lisichorwe gazetini alidai kwamba, awali alisikia vurumai kutoka ndani ya moja ya chumba cha gesti hiyo na kufanikiwa kupenya ndani. Akadai kwamba, alipofika kwenye korido aligundua kuwa kilichokuwa kikiendelea ndani ya chumba hicho ni madai ya kuchukuliana mwanamke licha ya kwamba hakukuwepo na ushahidi wa kuthibitisha hilo. Mtoa habari huyo aliendelea kudai kuwa, kufuatia tafrani hiyo iliyochukua takribani dakika 7, alifanikiwa kuingia ndani na kufotoa picha kadhaa (zinazoonekana ukurasa wa mbele), kisha kuondoka katika eneo hilo bila kujua kilichoendelea baadaye. Baada ya picha na maelezo ya tukio hilo kutua katika dawati la Amani, timu ya Waandishi Wetu ilifanya jitihada za kumtafuta Osama ambapo ilifika katika eneo analoishi, Mtaa wa Itungi Mwembechai Magomeni, jijini Dar es Salaam na kufanikiwa kumtia machoni kigogo huyo. Hata hivyo, baada ya Waandishi Wetu kupaki gari pembeni na kushuka ili kumfuata mkubwa huyo kwa lengo la kumhoji juu ya kilichotokea, ghafla alitoweka eneo hilo na hata walipojaribu kuwauliza watu waliokuwa karibu naye, walidai kutomfahamu. Jitihada za kumsaka jamaa huyo hazikuishia hapo kwani polisi wa Amani walifika hadi katika nyumba anayodaiwa kuishi Osama, lakini pia walikosa ushirikiano kutoka kwa majirani ambao nao walionekana kujua kilichotokea ila waliamua kumfichia aibu kwa kueleza kuwa, hawamjui na wala hawajui chochote. Aidha, safari ya makachero hao ilianza kuelekea kwa mjumbe wa mtaa huo aliyetajwa kwa jina moja la Saidi, lakini nako jitihada za kupata data za kigogo huyo ziligonga mwamba baada ya kiongozi huyo kudaiwa kuwa katika mihangaiko yake kwa wakati huo. Timu ya Mapaparazi Wetu juzi majira ya saa 10:00 jioni, ilifika katika gesti inayodaiwa kutokea tukio hilo na kufanikiwa kuongea na mmoja wa wahudumu wa nyumba hiyo ya wageni aliyejitambulisha kwa jina la Protas Daudi, lakini katika hali ya kushangaza alikataa kata kata ishu hiyo kutokea katika eneo hilo. Kaka hapa kwanza hatupangishi watu wa short time na kama mnadai tukio hilo lilitokea hapa, sisi hatuna taarifa yoyote ila tunaomba chonde chonde msije mkaitaja gesti yetu katika habari yenu, mtatuharibia biashara, alisema Daudi. Gazeti hili linaendelea kuchimbua undani wa sakata hilo na mara baada ya kukamilisha data litawaletea upande wa pili wa habari hii.

Thread starter Herbalist Dr MziziMkavu
Start date Mar 12, 2010

Herbalist Dr MziziMkavu

JF-Expert Member

Mar 12, 2010

Bujibuji Simba Nyamaume

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kigogo afanyiwa umafia

Herbalist Dr MziziMkavu

JF-Expert Member

Bujibuji Simba Nyamaume

JF-Expert Member

Our Community

Regional Communities