Kwa kuwa sina imani na jeshi letu sijui????

Anyisile Obheli · 2010-10-21T16:40:38+00:00

Jeshi la Polisi mkoani Mbeya limemkamata na kumfikisha Mahakamani mfanya biashara mmoja ayetoa taarifa za uongo kuwa katika eneo la Tunduma mpakani mwa Tanzania na Zambia kulikua na gari lililobeba nyaraka bandia na masanduku ya kupigia kura wakati huu wa kampeni za uchaguzi Mkuu wa Rais, Wabunge na Madiwani utakaofanyika mwisho wa Mwezi huu (31 Oktoba 2010) nchini kote. Kamanda wa Polisi mkoani humo Kamishna Msaidizi wa Polisi (ACP) Advocate Nyombi, amemtaja mtuhumiwa huyo kuwa ni Victor Mateni (32), mkazi wa Sikanyihu Tunduma wilayani Mbozi. Kamanda Nyombi amesema kukamatwa kwa mfanyabiashara huyo, kumetokana na taarifa zake alizozitoa kwa Mkuu wa Idara ya Forodha mpakani hapo za kuwepo kwa nyalaka hizo kutokua za kweli baada ya magari yaliyotajwa kufanyiwa upekuzi wa kina na kutopatikana kwa nyaraka na masanduku hayo kama ilivyodaiwa na mtuhumiwa huyo. Jumanne Oktoba 19, mwaka huu mfanyabiashara huyo alimwendea Bw. Jovitas Kanisha Charles ambaye ni Mkuu wa Idara ya Forodha mpakani hapo na kumwambia kuwa gari lenye namba za usajili T.288 BHR aina ya Iveco likiwa na tela lenye namba T. 966 BKS mali ya Kampuni ya usafirishaji mizigo hapa nchini ya AZANIA lilikuwa limebeba shahasa na mabokisi hayo bandia na vilikuwa vikiingizwa nchini kwa siri alisema Nyombi. Amesema Mkuu huyo wa Idara ya Forodha mpakani Tunduma, aliwasilisha taarifa hizo kwa Mwenyekiti wa kamati ya Ulinzi na usalama hapo mpakani na kuitisha kikao cha dharura kuitathimini taarifa hiyo. Kamanda Nyombi amesema wakati wa kikao hicho cha dharura kamati hiyo iliamua kufanya upekuzi wa kina katika gari hilo pamoja na tela lake ili kubaini ukweli wa taarifa hizo na kuchukua hatu za kiusalama. Amesema wakati wa upekuzi huo, kamati hiyo pia ilimshirikisha mtoa taarifa ili naye ashuhudie kitakachopatikana lakini hadi mwisho wa upekuzi kulikuwa hakuna nyaraka ama masanduku ya kupigia kura yaliyobainika. Amesema gari hilo lilikuwa na bidhaa mbalimbali za madukani ambazo ni za halali kwa kusafirishwa na kwa matumizi. Bidhaa hizo zilikuwa zikisafirishwa kutoka Afrika ya Kusini kwenda kwa wafanyabiashara wawili wa Jijini Dar es Salaam. Kamanda huyo amesema baada ya upekuzi huo kutobaini kosa walimkamata mfanyabiashara huyo na kumfikisha mahakamani kwa kutoa taarifa za uongo na kesi yake imeahirishwa hadi itakapotajwa tena Novemba 4, mwaka huu na mtuhumiwa amepelekwa rumande. Hata hivyo Kamanda Nyombi amesema makachero wa Polisi mkoani humo wanamsaka mtu mwingine ambaye pia alisaidia kueneza taarifa za uvumi huo. Huyo ni mtu wa pili kufikishwa mahakamani katika kipindi kisichozidi wiki moja kwa kutoa taarifa za uongo na kusababidha athari kwa watu wengine na taifa kwa ujumla. Jumanne wiki hii, Mwenyekiti wa Wazee wastaafu wa iliyokuwa Afrika ya Mashariki Nathan Mlaki, alijisalimisha Polisi Jijini Dar es Salaam na kufikishwa Mahakamani kwa madai ya kutoa taarifa za uongo kuwa mmoja ya wazee wastaafu wa iliyokuwa Jumuiya hiyo amefariki dunia baada ya kumwagiwa maji ya kuwasha na Polisi wakati walipofunga barabara. from: wavuti

Thread starter Anyisile Obheli
Start date Oct 21, 2010

Anyisile Obheli

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kwa kuwa sina imani na jeshi letu sijui????

Anyisile Obheli

JF-Expert Member

Our Community

Regional Communities