Kwa manufaa yako.

PROF MUDI DULA · 2014-07-14T13:02:23+00:00

(1)Mi mtunzi wa shairi, mwenyewe najitangaza. Kwa utungaji hodari, mimi hapa ninaweza. Kwa mashairi mazuri, mimi hapa ninauza. Kama wataka shairi, nilipe nikutungie. (2).Mashairi ya mizani, vina vya kati na mwisho. Nawatungia jamani, mkinipa hio posho. We sema shairi gani, nitunge leo na kesho. Kama wataka shairi, nilipe nikutungie. (3).Mashairi ya kidini, au ya hadithi fupi? Ya mapenzi na utani, au unataka yapi? Vichekesho burudani, we sema nitunge vipi. Kama wataka shairi, nilipe nikutungie. (4).Mashairi ya mikasa, naweza kukutungia. Au yale ya siasa, hayo yote nayajua. Kwa kiasi tu cha pesa, kazi ninakufanyia. Kama wataka shairi, nilipe nikutungie. (5).Ukitaka jiliwaza, shairi zuri nakupa. Mawazo utapoteza, haki ya Mungu naapa. Anza kujieleza, shairi niweze kupa. Kama wataka shairi, nilipe nikutungie. (6).Kwa shairi la mapenzi, kwa yule umpendae. La zawadi na pongezi, rafikio ashangae. Gharama ni maongezi, we mwenyewe niambie. Kama wataka shairi, nilipe nikutungie. (7).Ukitaka kunipata, ni rahisi tena sana. Ubeti unaofwata, namba inaonekana. Utapiga itaita, tuweze wasiliana. Kama wataka shairi, nilipe nikutungie. (8).Andika sifuri sita, kisha fwata tano tatu. Nne mbili yajikita, mbili saba roho kwatu. Saba tena kisha sita, wanipata mimi mtu. Kama wataka shairi, nilipe nikutungie.

Thread starter PROF MUDI DULA
Start date Jul 14, 2014

PROF MUDI DULA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kwa manufaa yako.

PROF MUDI DULA

Member

Our Community

Regional Communities