Maisha bora ni nini? Tuyapateje?

Shoo Gap · 2010-06-11T10:07:13+00:00

Niliipitia makala ya Privatus Karugendo katika Gazeti la Raia Mwema Toleo Na 136 la tarehe 2 - 9 June yenye kichwa "Hii ndiyo ilani ya Wazalendo 2010". Ingawa nina mpango wakukitafuta kitabu cha Dkt. Godfrey B.R. Swai kinachoitwa: Kuelekea Uchaguzi Mkuu 2010: Mustakabali Mpya wa Maisha Bora na Mwisho wa Viongozi Waporaji na Wabadhirifu ili kujifunza kupitia mchango wake wa mawazo ambao kwa hints alizoonesha Privatus kinapaswa kusomwa na kila Mtanzania. Maisha bora kwa kila mtanzania ilikuwa kauli mbiu ya CCM katika uchaguzi wa 2005, ingawa kila chama kina mawazo haya haya ya kuleta maisha bora kwa kila Mtazania. Tatizo kubwa limekuwa ni namna gani SERA za hivi vyama ni BORA kutufikisha hapa. Lakini tunapaswa kujiuliza pia Sera bora ni zipi? Mambo mengine ya Msingi aliyoyataja ya kutufikisha kwenye maisha bora ni:- Katiba bora Uchaguzi bora Utawala bora Mipango bora Vyote hivi vinapaswa kutolewa maana yakinifu. Ukiibuka na kusema tu utaleta maisha bora bila kuwa na tume bora na huru ya uchaguzi ni uongo mtupu na ni kudanganyana tu. Nadhani tulipaswa kuchagua viongozi na watendaji bora na huru wa tume uchaguzi kabla ya kupiga kura za madiwani, wabunge na Rais. Lakini tukiendelea kuwa na viongozi wa tume wanaoteuliwa na Mwenyekiti wa chama kimojawapo huu ni usanii mkubwa. Haya yote hayatawezekana tusipokuwa na katiba bora na huru inayoelekeza haya yote. Katiba bora na uchaguzi bora utatupa viongozi bora waliotayari kusimamia sera bora, kwa mantiki hiyo kuwa na utawala bora wenye mipango bora itakayosimamia maslahi ya watanzania wote kwa usawa na haki. Naomba wote tutafute kitabu hiki ili tufahamu wapi tuanze, kufikia maisha bora.

Thread starter Shoo Gap
Start date Jun 11, 2010

Shoo Gap

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Maisha bora ni nini? Tuyapateje?

Shoo Gap

JF-Expert Member

Our Community

Regional Communities