Mamlaka, kanuni zinaua sekta ya maziwa nchini

Adili · 2013-08-19T11:37:10+00:00

Mamlaka, kanuni zinaua sekta ya maziwa nchini Wafanyakazi wa kiwanda cha maziwa wakiwajibika kazini Malalamiko yao yanatokana na ukweli kuwa ili mtu asajili biashara yake anatakiwa kupitia kwa mamlaka zaidi ya 11 ambazo zinatoa vibali na leseni za biashara na mchakato huo unaweza kuchukua mwezi mzima bila usajili kukamilika. Kutokana na mlolongo huo mrefu, wadau wanapendekeza kwamba iwepo mamlaka moja ambayo itashughulikia utoaji wa vibali ili kuokoa muda na kupunguza au kuondoa usumbufu usiokuwa wa lazima. Hivi karibuni malalamiko mengine yalitolewa na wasindikaji wa maziwa ambao nao wanaamini mamlaka zaidi ya 11 kwa mfano, Mamlaka ya Chakula na Dawa (TFDA), Shirika la Viwango Tanzania (TBS) katika sekta ya maziwa zinasababisha gharama za biashara kuwa kubwa. "Hatusemi kwamba kusiwapo na wadhibiti la, tunachohitaji ni wadhibiti wachache ambao watawasaidia wafanyabiashara wadogo kujiimarisha pia kusajili biashara zao," anasema Mkurugenzi Mtendaji wa Chama cha Wasindika Maziwa nchini (TAMPA), Edmund Malick. Kanuni zinatubana Malick anasema kuwapo kwa kanuni nyingi zinazuia wajasiriamali wapya na kukwamisha juhudi za kuimarisha sekta ya maziwa nchini. Endapo mjasiriamali anapenda kuwekeza au kuanzisha kiwanda cha kusindika maziwa cha lita 6,000, anapaswa kuwa na mtaji wa wa Sh45 milioni kabla hakijaanza kufanya kazi. Kwa mujibu wa Malick, fedha hizo ni nyingi na wengi wa wafanyabiashara hawajui namna ya kupata fedha hizo. Malick anasema zaidi ya lita milioni 6 za maziwa zinazalishwa nchini na wafugaji kila siku, lakini kwa sasa wasindikaji wana uwezo kutengeneza lita 300,000 kwa siku sawa na asilimia tatu ya maziwa yote yanayozaslishwa nchini. "Badala ya kuondokana na kanuni zisizokuwa na maana ili kuwavutia wajasiriamali zaidi wenye mitaji midogo katika sekta ya maziwa, Serikali imekuwa ikiweka vikwazo vingi zaidi vya udhibiti wajasiriamali kuingia katika sekta hiyo," anasema Malick. Taarifa ya hivi karibuni ya Shirikisho la Wenye Viwanda nchini (CTI), inaonyesha kwamba wasindika maziwa wana mzigo mkubwa wa kulipa tozo mbalimbali za kupata ruksa ya kufanya kazi hiyo kutoka kwa wadhibiti mbalimbali wa kisekta. Mamlaka, kanuni zinaua sekta ya maziwa nchini - Makala - mwananchi.co.tz

Thread starter Adili
Start date Aug 19, 2013

Adili

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mamlaka, kanuni zinaua sekta ya maziwa nchini

Adili

JF-Expert Member

Our Community

Regional Communities