Masikini Afrika na vipaji vyake

Mohamed Said · 2020-07-02T06:23:52+00:00

Jana usiku rafiki yangu kaniletea clip ya huyu mzee anapiga gitaa mtaani. Huyu sahib yangu kaniletea hii clip kwa kuwa ni mimi ndiye niliye mtia yeye kwenye muziki wa kupiga gitaa kupitia muziki wa Mwenda Jean Bosco. Yafuatayo hapo chini ni mazungumzo yetu: Ingekuwa Ulaya recording companies zishamfuata kwa haraka na nyimbo ziko kwenye CD. Afrika ataishia kuvaa koti jua kali na vumbi linampiga. Umesema kweli.. Huyu Feruzi nyimbo hii kapiga na Franco lyrics anamsimanga tajiri aliyemkuta mtaani anapiga accordian iliyochoka akamuahidi mpya. Hakutimiza miadi yake. Soma title ya nyimbo. These were creative geniuses Hugh Tracey 1952 kamkuta Mwenda Jean Bosco mtaani anapiga gitaa. Akamrekodi tape ikaenda Gallotone Johannesburg, South Africa. Iliyobakia ni historia. Peter Colmore kamkuta Edward Masengo River Road, Nairobi ndani ya kilabu cha pombe kakaa chini walevi wamemzunguka anawaburudisha na gita lake akamtoa pale akamtia kwenye studio za High Fidelity Productions. Masengo akawa star mkubwa Afrika Mashariki na kwao Congo. 1562039772203-png.1144356 Umeikamata spirit ya wakati Wamanyema kukwezana! Ndo ukweli ambao Wamanyema wapewa kipaji cha kuutambua! Nasoma Nyaraka za Sykes. Ndani nakuta barua ya Hugh Tracey akiwa Sauti ya Dar es Salaam amemwandikia barua mbaya sana Kasella Bantu afukuzwe kazi hana adabu kwa Wazungu. Hapo namwambia, "Baba hizi nyaraka ndiyo historia ya harakati za kupigania uhuru zifungue zienda Nyaraka za Taifa." Haya maneno yangu kayasikia mara elfu. Siku nyingine ananijibu siku nyingine ananipuuza. Akifurahi ataniuliza, "Wewe ushakunywa chai?" Nikisema sijanywa anavuta pochi lake ananambia, "Unajua bwana kama mtu hajanywa chai asubuhi maneno mengiiiiii!" Hapo ndiyo nichukue hela nikanywe chai niache kumbughudhi. Udongo unakula watu. Nyaraka sasa anazo nani? Anazo mama Bi. Zainab. Si nyaraka tu na mswada nilioandika na Bwana Ally kuhusu maisha yake upo na hizo nyaraka. Lakini leo najua kwa nini Bwana Ally alikuwa anajidai. Alipojua kama zile nyaraka kanifungulia mie na ninaandika kitabu sasa alichokuwa anasubiri kitabu kitoke na dunia ijue Nyaraka za Sykes zina nini. Sasa dunia ishazijua hizi nyaraka na kama ulimwengu unazijua kuwa zipo na zina historia ya uhuru wa Tanganyika kwake hiyo inatosha. Jonathon Glassman wa Northwestern University kwenye review ya kitabu cha Sykes katika Cambridge Journal of African History kazitaja ingawa zimemkera. Ila namshuhukuru kwani alinialika ''impromptu,'' kwenda kuzungumza chuoni kwake baada ya mhadhara niliofanya University of Iowa ambae alikuwako siku ile. Wazee wa zamani wana hikma za aina ya kipekee. Iko siku nilikuwa mubashara Azam TV Morning Trumpet nazungumza historia ya kupigania uhuru wa Tanganyika. Nadhani ilikuwa wakati wa Saba Saba. Nilipomaliza niko njianinarudi nyumbani nikapokea simu. Ilikuwa waandishi wa habari wananambia kuwa wameniona na historia niliyoeleza imewasisimua lakini wana miadi na Mama Maria Nyerere wanaomba wakitoka huko waje kunihoji. Basi wakaja na camera man. Tukafanya kipindi na wakaomba niwajulishe kwa Bi. Zainab. Walifika kwa Bi. Zainab na aliwapokea vizuri na aliwapandisha hadi juu kwenye ofisi ya marehemu mumewe kwa sharti wasiguse chochote lakini wapige picha wazitakazo. Hii video ninayo nitakurushia In Shaa Allah. In Shaa Allah naisubiri. Msomaji wangu ikiwa unataka historia zaidi za watu hawa ingia: https://mohamedsaidsalum.blogspot.com/…/kutoka-jf-ally-syke…

Thread starter Mohamed Said
Start date Jul 2, 2020

Mohamed Said

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Masikini Afrika na vipaji vyake

Mohamed Said

JF-Expert Member

Our Community

Regional Communities