Mhe. Kingunge na bunge la katiba

Queen Esther · 2014-04-27T09:16:09+00:00

Wapendwa wana JF, ninawasalimu asubuhi ya leo. Hongereni sana kwa sherehe nzuri za Muungano. Tumeliona Bunge letu la katiba likimaliza siku takribani 60 na viroja badala ya hoja, mizaha, matusi n.k. Tathmini yangu asubuhi ya Leo imejikita kwa Mhe. KINGUNGE. Kuchaguliwa kwa Mhe. KINGUNGE kulileta maneno sana ukizingatia kundi la waganga wa kienyeji alikotokea. Watu waliongea hasa wa dini kuu mbili ambao ni Wakristo na Waislam. Katika hali isiyotegemewa baba huyu amemaliza BMK awamu ya kwanza kwa kuleta hoja zilizotuliza hali ya hewa kwa kiasi kikubwa. Mfano wa hoja hizo ni kukiasa chama cha mapinduzi kumtukana Mhe. WARIOBA, kuwa na mijadala huru n.k Swali langu kwa wajumbe walioteuliwa kupitia makundi ya dini hizi maarufu wamesaidia nini ktk kutuliza hali ya hewa Bungeni ili tupate katiba huru na katiba bora sio bora katiba? Tumeona watu wakinukuu mistari ya Biblia kuwasema wenzao na sio kuleta amani na suluhu. Wanaongezea petrol kwenye moto kiaina. Wapendwa wengi walioko BMK wamefunga midomo yao hatujawaona wakiongea kitu chochote chenye kuweza kubadilisha misimamo ovu au hasi. Wapendwa wote wa dini hizi bila KUJALI makundi waliyotoka wajitathmini walivyowasaidia wananchi katika kusimamia KWELI bila kumumunya maneno. Ni wazuri sana kuongea wakiwa huku nje "oh! Ombeni sana, Oh! Hivi na hivi" mbona mkiwa ndani huko mnafunga mdomo au mnaongea mkielemea upande fulani? Ile nguvu ya ushawishi Mungu aliyoweka ndani yenu iko wapi? Na je inatumika kuujenga ufalme wa Mungu? Kina Modekai na Queen Esther wa Leo wako wapi jamani? Hakika nawaambia msiposimama Mungu atatumia hata mawe, ila hakika mtaangamia...... Jitafakari, jitathmini kabla ya kurudi Bungeni mwezi August. Tena ingelikuwa vema ukatubu kutokana na mengi yaliyofanyika hapo yasiyomtukuza Mungu nawe kwa njia moja au nyingine ulishiriki, au ulikaa kimya ukifunika kombe mwanaharamu apite. Mwisho nachukua nafasi hii kukupongeza Mhe. KINGUNGE. Ingawa uteuzi wako ulisemwa sana lakini MUNGU amekutumia kwa namna Yake. Mungu akubariki sana. Pia tunaomba tunapojiandaa na awamu ya pili ya BMK tunakuomba utumie Hekima katika kushawishi makundi yote mawili ili tupate katiba bora TZ. Malizia vyema vita iliyombele yako ukumbukwe na Watanzania. Nchi yote na imwogope Bwana, Wote wakaao duniani na wamche. Maana Yeye alisema, ikawa; Na Yeye aliamuru, ikasimama. Bwana huyabatilisha mashauri ya mataifa, Huyatangua makusudi ya watu. Shauri la Bwana lasimama milele, Makusudi ya moyo wake vizazi na vizazi Heri taifa ambalo Bwana ni Mungu wao, Watu aliowachagua kuwa urithi wake. Zaburi 33::8-11 Mungu ibariki Tanzania. Queen Esther

Thread starter Queen Esther
Start date Apr 27, 2014

Queen Esther

JF-Expert Member

Apr 27, 2014

Super Sub Steve

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mhe. Kingunge na bunge la katiba

Queen Esther

JF-Expert Member

Super Sub Steve

JF-Expert Member

Our Community

Regional Communities