Mnyika atafutwa na polisi mkoani Mbeya

Habarindiyohiyo · 2009-01-19T11:59:26+00:00

Mnyika atafutwa na polisi mkoani Mbeya Na Felix Mwakyembe, Mbeya VIONGOZI wawili waandamizi wa Chama cha Demokrasia na Maendeleo (CHADEMA), jana walikamatwa na Jeshi la Polisi, mkoani Mbeya na baadaye kuachiwa kwa dhamana, huku Mkurugenzi wa Vijana wa CHADEMA, John Mnyika akiendelea kutafutwa. Taarifa za uhakika zilizoifikia Mtanzania zinawataja viongozi waliokamatwa jana na kufikishwa Kituo Kikuu cha Polisi jijini Mbeya kuhojiwa kuwa ni Katibu wa Chadema Wilaya ya Mbeya Vijijini, ambaye pia ni Kaimu Katibu wa Mkoa huo, Ipyana Seme na Mhamasishaji kutoka Kurugenzi ya Taifa ya Chama hicho, Jomba Koy. Mkurugenzi wa Vijana wa Chama hicho ngazi ya Taifa, John Mnyika, anaendelea kusakwa na jeshi hilo kwa ajili ya kuhojiwa na kisha kuchukuliwa hatua za kisheria. Kamanda wa Polisi mkoani hapa, Zelothe Stephen, hakupatikana jana kuzungumzia sakata hilo, kutokana na siku hiyo kuwa ya mapumziko. Kukamatwa kwa viongozi hao kunaelezwa kumetokana na Msimamizi wa Uchaguzi Mdogo wa Jimbo la Mbeya Vijijini, Juliana Malange, kuwatuhumu kuwa wanaendesha kampeni kinyume cha sheria. Inadaiwa kuwa msimamo huo unapingana na maelekezo yaliyotolewa na Mwenyekiti wa Tume ya Taifa ya Uchaguzi, Jaji Lewis Makame, aliyenukuliwa na vyombo vya habari akielekeza kuwa vyama visivyokuwa na wagombea katika jimbo hilo vinapaswa kuendelea na shughuli zao za kisiasa kama kawaida. Kwa maelekezo hayo ya Jaji Makame, Chadema iliendelea na shughuli zake za kukiimarisha chama hicho mkoani Mbeya kama kawaida, hata baada ya mgombea wao, Sambwee Shitambala na yule wa DP kuenguliwa kwenye kinyang'anyiro hicho cha ubunge katika jimbo hilo ambapo vimebaki vyama vitatu tu. Chanzo: Mtanzania

Thread starter Habarindiyohiyo
Start date Jan 19, 2009

Habarindiyohiyo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mnyika atafutwa na polisi mkoani Mbeya

Habarindiyohiyo

JF-Expert Member

Our Community

Regional Communities