Mtuhumiwa afa akiwatoroka Polisi

Rutashubanyuma · 2011-01-11T14:43:54+00:00

Mtuhumiwa afa akiwatoroka Polisi Na Suleiman Abeid, Shinyanga MKAZI wa eneo la New Stand Manispaa ya Shinyanga aliyetambuliwa kwa jina la Bw. Haji Omari (30) amekufa papo hapo baada ya kuruka kutoka ndani ya gari la polisi wakati akijaribu kutoroka.Kwa mujibu wa mashuhuda wa tukio hilo lililotokea juzi saa 1.10 usiku eneo la shule ya Sekondari ya Uhuru mjini Shinyanga, Bw. Omari aliruka kutoka ndani ya gari la polisi aina ya Toyota Land Cruiser namba PT. 1805 ambapo alianguka chini na kupasuka kichwa. Mashuhuda walieleza kuwa marehemu alikamatwa na polisi baada ya kusababisha ajali mbili tofauti katika eneo la Kambarage Manispaa ya Shinyanga wakati akiendesha gari aina ya Toyota Chaser yenye namba T. 901 ANL mali ya Bw. Omari Magoma. Hata hivyo, ilidaiwa kuwa ajali hiyo ilitokana na yeye kuendesha gari akiwa amelewa hivyo alimgonga mfanyabiashara wa ndizi Bi. Doris Auko (60) mkazi wa Kambarage aliyekuwa amepanga ndizi zake kando ya barabara eneo la kanisa la A.I.C Kambarage. Kamanda wa Polisi wa Mkoa wa Shinyanga, Bw. Diwani Athumani alithibitisha kutokea kwa kifo hicho ambapo alisema ajali ya kwanza ilitokea eneo la Japanes corner ambapo Bw. Omari aliligonga gari aina ya Toyota Chaser kutokana na mwendo mkali aliokuwa nao na hata hivyo hakuweza kusimama. âSasa baada ya kuligonga gari hilo la kwanza ambalo hata hivyo polisi hawakuweza kupata namba wala jina la dereva wake, huyu bwana aliendelea kuendesha gari lake kwa mwendo kasi lakini alipofika eneo la kanisa la A.I.C Kambarage aliligonga gari jingine lenye namba T. 192 AAB Toyota Chaser ambalo liliharibika vibaya lakini pia alimgonga muuza ndizi aliyekuwa jirani ambaye alizimia na kukimbizwa hospitali," alisema. Alisema hata hivyo wakati gari hilo linaelekea katika kituo cha polisi dereva huyo akiwa amepakiwa nyuma pamoja na polisi watatu wawili wakiwa na silaha huku mmoja akimshikilia, ghafla alimsukuma polisi aliyekuwa na silaha na yeye akajirusha nje ambapo alianguka na kupasuka kichwa na kufa papo hapo. Alisema polisi inaendelea na uchunguzi wa kina kuhusiana na tukio hilo na uchunguzi wa awali unaonesha chanzo chake ni dereva huyo kuendesha gari akiwa amelewa ambapo amewataka madereva wote kuheshimu sheria za barabarani na kwamba wanapokuwa wamelewa wasiendeshe gari.

Thread starter Rutashubanyuma
Start date Jan 11, 2011

Rutashubanyuma

JF-Expert Member

Jan 11, 2011

Rutashubanyuma

JF-Expert Member

Jan 11, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Sheria (The Legal Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts