Mwambusi akomaa na Azam

Rugby Union · 2014-10-17T11:46:11+00:00

Basi la Azam likiwa uwanjani, wakati timu hiyo ilipokuwa ikifanya mazoezi mkoani Mbeya chini ya ulinzi wa polisi. KOCHA wa Mbeya City, Juma Mwambusi amesema rekodi haziwezi kuibeba Azam kwenye mechi yao ya Ligi Kuu Bara itakayochezwa Jumamosi ya wiki hii kwenye Uwanja wa Sokoine, jijini Mbeya kwani wamejipanga vizuri kwa ajili ya mapambano. Azam inajivunia rekodi ya kuwa timu pekee iliyofanikiwa kuifunga Mbeya City kwenye Uwanja wa Sokoine tangu timu hiyo ilipopanda daraja na kucheza ligi msimu uliopita, iliifunga mabao 2-1 kwenye mechi ya mzunguko wa pili wa ligi msimu huo. Mwambusi alisema wanatambua kuwa Azam ndiyo timu iliyowawekea doa kwenye rekodi yao ya mechi za nyumbani, hivyo hawatakubali hilo liwatokee tena msimu huu kwani wamejipanga kufanya vizuri kwenye mchezo huo wa Jumamosi. "Azam haitabebwa na rekodi kwenye mechi ya Jumamosi, tumejipanga vizuri na tutahakikisha tunaibuka na ushindi kwenye mchezo huo. "Natambua kuwa haitakuwa kazi rahisi kwani Azam ni timu nzuri lakini tutapambana kuhakikisha tunafanya vizuri, pointi tatu ndiyo muhimu zaidi kwetu," alisema Mwambusi ambaye alitwaa tuzo ya kocha bora msimu uliopita. Mbeya City inashika nafasi ya nne kwenye msimamo wa Ligi Kuu Bara ikiwa imeshinda mechi moja na kutoka sare mbili, mpaka sasa haijafungwa bao hata moja kwenye mechi hizo. Azam inashika nafasi ya pili kwenye msimamo huo ikiwa na pointi saba. MwanaSpoti

Thread starter Rugby Union
Start date Oct 17, 2014

Rugby Union

JF-Expert Member

Oct 17, 2014

VOICE OF MTWARA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mwambusi akomaa na Azam

Rugby Union

JF-Expert Member

VOICE OF MTWARA

JF-Expert Member

Our Community

Regional Communities