Mwanamke auawa kwa kuchinjwa koromeo

Rutashubanyuma · 2010-12-21T10:27:48+00:00

Mwanamke auawa kwa kuchinjwa koromeo na Gordon Kalulunga, Mbeya WAKATI serikali na asasi za kiraia zikiendelea kupiga vita mila za ukeketeji nchini, wimbi la mauaji limeikumba wilaya ya Ileje mkoani hapa baada ya watu watatu kuuawa hivi karibuni na mwanamke kuchinjwa kikatili. Aliyechinjwa kwa kutenganishwa kichwa na kiwiliwili chake ni Tabu Mwashitete ambaye baada ya tukio hilo la kinyama mwili wake uliokotwa katika kijiji cha Chitete kitongoji cha Lusungo. Tukio hilo limetokea mwishoni mwa wiki ambapo imeelezwa kuwa mwanamke huyo alipatwa na mauti hayo baada ya kutekwa na watu wasiofahamika akitokea katika kilabu cha pombe cha Ikumbilo kisha mwili wake kuokotwa ukiwa umekatwa koromeo. Mwanamke huyu amekutwa akiwa ameuawa kwa kukatwa koromeo lake jambo ambalo linatishia usalama wa wananchi wengi wa eneo hili na wilaya nzima kwa ujumla kutokana na wilaya yetu kuwa nje ya jiji hata habari haziandikwi, alisema mmoja wa viongozi wa eneo hilo (jina tunalo). Kwa upande wao, baadhi ya askari polisi wa kituo cha Itumba wamethibitisha kutokea kwa mauaji hayo ambapo waliliambia Tanzania Daima kuwa hawawezi kutoa tamko lolote kwa sababu si wasemaji wa jeshi hilo. Habari kutoka eneo la tukio zimeeleza kuwa matukio ya kikatili ya namna hiyo siyo mageni katika eneo hilo hususan katika kata ya Chitete na Ukinga ambapo hivi karibuni wanaume wawili wameuawa kikatili kwa kile kinachodhaniwa kuwa ni wivu wa mapenzi.

Thread starter Rutashubanyuma
Start date Dec 21, 2010

Rutashubanyuma

JF-Expert Member

Dec 21, 2010

PakaJimmy

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts