Ni KATIBA YA CCM hivi ulitegemea kukwama.

Mwiba · 2014-10-02T14:49:19+00:00

Tokea mwanzoni baada ya kudhihirika kuwa asilimia kubwa ya wajumbe ni makada wa Chama Cha Mapinduzi ambao wako waliopitia kwa kuwa ni wabunge na wapo waliochomekwa katika lile kundi la 210 na baada ya kubainika hivyo hata bunge halijafunguliwa rasmi tayari kulikuwa na manung'uniko kuwa CCM watalitawala Bunge la Katiba na hivyo kusababisha Katiba itakayopatikana iwe imeungwa mkono zaidi kisiasa na si Kitaifa. Ilijulikana punde tu baada ya mchakato wa bunge hilo kuanza kuwa kuna mambo ambayo hayakuwemo kwenye rasimu iliyowakilishwa na Warioba kuhofiwa kuongezwa kanuni zikatungwa wakati wa Kificho na baada ya kuingia Sitta akazibadilisha kwa visingizio mbalimbali na hapo ndipo pakazuka pata shika na kusababisha kundi moja likatoka lililojijulisha kwa jina la UKAWA. Likabakia kundi la mamba ambao hawa walihisiwa kuwa ni CCM kwa itikadi za kuona yale yote waliyokuja nayo mifukoni yakiwemo ya kuongeza na kupunguzwa na mengine kufutwa kabisa ili Katiba iendani na interest za viongozi wa CCM zaidi kuendeleza kulindana ya kwamba hata ndani ya katiba wanahakikisha inawalinda na hili la kujilinda limo kiufundi zaidi kuliko kiusomaji. Ila katika kundi la Mamba na Kenge wamo huu ni msemo wa kiswahili maarufu sana wala haumaanishi dharau nasema ni ujanja binafsi tu ,hawa Kenge walikuwemo katika waliobakia ndani ya Bunge hilo la Katiba wao walikuwa ni wale waliojizatiti kufuata kilichowapeleka hapo Bungeni na wakishiriki wakichangia wakihoji wakipiga kura katika kamati za bunge ambazo ziliongozwa na CCM watupu japo na wao ni CCM kwa kiasi fulani ,waliweka kando kadi za chama na kushiriki kama wazalendo wasio na shinikizo au tuseme hawakuwa wenye kusikiliza shinikizo la chama au vyama vyao kwa wengine na hawa ndio wale waliopiga kura ya HAPANA ,na kuikwamisha Katiba iliyotarajiwa kitaifa. Kwa vile upigaji kura ulipangwa kiujanja kwa kisingizio cha kuokoa muda hatua ya mwanzo tu ilionyesha wazi kuwa CCM haiwezi kupitisha katiba yake kwani imebaini katika kundi lao la Mamba mlikuwa mna Kenge na mayai saba yameishaliwa ,nini cha kufanya hapo ndipo ilipotumika kuokoa jahazi kwa kutumia wapiga kura walio nje ya bunge na pia hilo lilishindikana ndipo ilipotumiwa karata ya mwisho ya kubadilisha idadi ya Wajumbe idadi ambayo haikusikika kipindi chochote kile ila wakati wa kutoa matokeo ya kura ili kuitangaza theluthi mbili. Kwa idadi ya wajumbe kujulikana wakati wa utangazaji wa matokeo inamaana Spika kwa kipindi chote alikuwa analidanganya Bunge na pia akiwadanganya WaTanzania kwa kuwaambia idadi ya wajumbe ya uwongo ,Je ANAFAA KUSHITAKIWA kwa kusema uwongo ? Sidhani kama hilo linaweza kufanyika kwani walikuwa wanatunga KATIBA yao iliyotokana na Chama Chao ,sasa iweje isipite ? Ni lazima ipite kwa hali yeyote ile kwani ni yao na si ya maoni ya WaTanzania. Kama ulitegemea Katiba hii kukwama ulikuwa mtu wa ajabu sana ! Sisi wengine tulikuwa tunapiga makelele kwa sababu tulijua tumeshajeruhiwa.

Thread starter Mwiba
Start date Oct 2, 2014

Mwiba

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Ni KATIBA YA CCM hivi ulitegemea kukwama.

Mwiba

JF-Expert Member

Our Community

Regional Communities