Road to The Throne

Somaiyo · 2022-10-30T13:57:44+00:00

Denis ni kijana mwerevu mwenye uwezo mkubwa wa kuamua na kutenda mambo mbali mbali kwa hali ya juu sana. Ni kijana ambaye amelelewa na familia ya Mr John Kapinga waziri mkuu wa nchi ya KONGOA. Mnamo mwaka 2011 akiwa na umri wa miaka 25 jijini London alitunukiwa shahada yake ya kwanza ya masuala ya komputa akiwa kama mwanafunzi wa kwanza mwenye ufaulu mkubwa sana kupita wote kwa mwaka huo akiwa na G.P.A ya 5.0 na kuweka historia ya kuwa mwanafunzi wa kwanza kutoka nchi za kiafrika kufanya vizuri zaidi katika masomo hayo ya computa ndani ya chuo hicho kikuu cha Oxford. Alisomea maswala ya mtandao yaani (networking), ni mtu hatari na mbobezi aliyekuwa na uwezo wa kukusanya taarifa mbalimbali za kiusalama kwa kuingia kwenye kifaa chochote cha mawasiliano na kupakua taarifa zake na kuzitumia atakavyo bila kujulikana. Aliporudi KONGOA aliendelea kuitumikia nchi yake ya kongoa kama afisa usalama mbobezi katika maswala ya mtandao. Usoni mwa watu, Denis alijulikana kama mtumishi wa kampuni ya simu ya AMATEL Kampuni kubwa ya mawasiliano ya simu nchini Kongoa. Alikuwa akiamka hasubui kama watumishi wengine na kuelekea kazini kama watumishi wengine, na alionekana kama akifanya shughuli za kawaida pale AMATEL kama watumishi wengine kumbe yeye alikuwa pale kama undercover agent ambaye alikuwa na ofisi yake ya siri ndani ya jengo hilo kwa ajili ya kuratibu taarifa mbalimbali za nchini Kongoa. Denis hakuwahi kumfahamu baba yake mzazi, alichukuliwa na familia ya Mr John Kapinga akiwa na umri wa siku moja hapa duniani, alikuja kufahamu kuwa Mr kapinga sio Baba yake mzazi alipofikisha umri wa miaka 16 akiwa anahitimu elimu yake ya sekondari ya kidato cha nne kwenda kidato cha tano baada ya Mr Kapinga kuamua kumweleza ukweli kuhusu historia yake. Siku hiyo Mr Kapinga baada ya kutoka shuleni kwenye mahafali alimuita na kumweleza Denis kuwa, aliokotwa barabarani siku ya jumapili mwaka 1989 karibu na geti la Mr kapinga na familia yake wakiwa wanatoka kanisani na alikuwa amewekwa kwenye boksi jeupe ambalo ndani yake palikuwa na maandishi yaliyoandikwa “AM SORY” (samahani). Kwa ushahidi zaidi Mr Kapinga alilichukua boksi lile alilokuwa amelitunza ndani mwake na karatasi ile aliyoikuta kwenye boksi na akampatia Denis aione, denis ambaye wakati huo alikuwa anatetemeka huku machozi yakimtiririka kwa mshtuko wa taarifa zile alipokea vitu vile huku akilia akiwa haamini kile alicho kuwa anaambiwa. Hakuamini kwa kuwa alijua kabisa Mr Kapinga ndiye baba yake, na mrs kapinga “JULIETH” ndiye mama yake, kwani ni watu waliomlea vizuri toka hajitambui mpaka kufikia umri wa kujitambua, alijua Kenedy mtoto wa kwanza wa mr Kapinga ni kaka yake na Poul mtoto wa mwisho wa familia ile ni mdogo wake. Hakuwahi kuwaza wala kufikiria kabisa kuwa yeye si mtoto wa familia ile kutokana na malezi yaliyo tolewa kwa upendo mkuu na familia ile. Zilipita dakika kumi za kulia na kutokuamini alichoambiwa, Alikuwa na maswali mengi sana kwa Mr Kapinga. Mojawapo ni pale alipomuulliza kuhusu familia yake. Aliuliza kama familia yake ya sasa iliwahi kufuatilia kama wazazi wake walikuwa ni akina nani alitaka kujua kwanini walimtelekeza, neno AMSORY lililokutwa limeandikwa kwenye karatasi ile ndani ya boksi lilikuwa na maana gani na Alitaka kujua je ni baba au mama yake ndie aliyemtelekeza pale nje getini na pia kutaka kujua ni kwa nini walimtelekeza. majibu aliyoyapata yalizidi kumuumiza zaid Denis kwani alielezwa kuwa mpaka wanafanya mazungumzo yale taarifa walizo kuwa nazo nikuwa Baba na mama yake wanasadikika walisha fariki dunia na chanzo cha kifo chao hakikuwahi kujulikania na hivyo hawakuwahi kujulikana wanatokea upande gani mwa nchi ya KONGOA. Taarifa za uhakika walizozipata nikuwa alizaliwa katika hospitali ya Mtakatifu John na ilijulikana hivo baada ya Denis kuokotwa, alipelekwa hospitalini kumuangalia kama anatatizo loloe la kiafya na yupo nesi aliyemfahamu denis akiwa mchanga kwani nguo alizokuwa amevishwa wakati anaokotwa ni yeye aliyezitoa kwa mama yake na niyeye aliyemfunga bangili yenye jina lake mkononi kabla ya kuwaruhusu denis kichanga na mama yake kuondoka. *************************************************************************************************

Thread starter Somaiyo
Start date Oct 30, 2022

Somaiyo

Senior Member

Oct 30, 2022

Somaiyo

Senior Member

Oct 30, 2022

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Sports & Entertainment
Entertainment

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts