Salim Himidi kumbukumbu mwaka mmoja

Mohamed Said · 2021-03-09T20:38:13+00:00

SALIM HIMIDI KUMBUKUMBU MWAKA MMOJA Leo imetimu mwaka mmoja toka rafiki yangu na kwa hakika rafiki ya wengi waliojaaliwa kumjua kufariki Paris alipokuwa anaishi uhamishoni toka Comoro ilipovamiwa na askari mamluki wakiongozwa na Bob Denard. Picha ya nne niko na Salim Himidi Msikiti Mkuu wa Paris Sala ya Ijumaa. Habari za ziada: Mmoja wa marafiki zake marehemu Salim Himid baada ya kusoma hiyo kumbukumbumbu yangu fupi kaniandikia hasa kwa kusahihisha kuwa Salim Himidi hakwenda Ufaransa kama mkimbizi. Hebu msome kuhusu hilo na mengine aliyotuongezea: ":... alihamia hasa kwa ukaazi Paris baada ya kifo cha Rais Mohamed Taki ambapo wakati ule yeye alikuwa Waziri wa Mambo ya Nchi za Nje. Wakati wa Ali Soilihi alikuwa Waziri wa Mambo ya Ndani. Utawala wa Said Johari Salim alikuwa Katibu Mkuu Ikulu. Kila aliyeingia madarakani alihitaji utumishi wake. Alipofunguliwa jela baada ya serikali kuangushwa na askari mamluki aliitwa Ikulu na Ahmed Abdullah. Waliotumwa kupeleka ujumbe wakamwambia Ahmed Abdullah unataka kumteuwa yule Comrade Mswahili wale ndo walokupindua 1975. Ahmed Abdulla alijibu, "Mimi namhitaji Salim kwa ujuzi, maarifa na uchapa kazi wake. Ucomrade na uwanja wa mapinduzi ni wake mwenyewe."" Alipokutana naye akamsimulia yaliosemwa na akamwambia amemteuwa Katibu Mkuu wake. Salim alimjibu atafikiria. Lakini jibu la Abdullah lilikuwa tutaonana kesho ofisini." Picha ya kwanza kushoto ni Salim Himidi na pembeni yake ni Leopold Senghor.

Thread starter Mohamed Said
Start date Mar 9, 2021

Mohamed Said

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Salim Himidi kumbukumbu mwaka mmoja

Mohamed Said

JF-Expert Member

Our Community

Regional Communities