Shairi: Amani nawatakia (wana JF)

Choveki · 2007-12-29T12:51:04+00:00

Wana Jambo Forum; Salama nawatakia, wenzangu wa humu ndani Nadhani mtapokea, salamu zenye amani Choveki naulizia, wenzangu mu hali gani? Amani nawatakia, wenzangu jambo foramu Nizitoazo muhimu, salamu toka moyoni Muondokewe magumu, moyoni pia vichwani Nasema pia mdumu, wenzangu wa humu ndani Amani nawatakia, wenzangu jambo foramu Za kheri pia baraka, pokeeni nawapeni Ziwafikie hakika, hata ikiwa mwakani Natuma kwa kuandika, msome humu netini Amani nawatakia, wenzangu jambo foramu Mwendo twasema mdundo, tusiishie mwakani Leteni, leteni nondo, tuweze mkoma nyani Muongezee uhondo, hapa kwetu kijiweni Amani nawatakia, wenzangu jambo foramu Hapa hili jungu kuu, ukoko upo kwa ndani Twazungumza makuu, yatukerayo nchini Hatuogopi wakuu, mradi twakoma nyani! Amani nawatakia, wenzangu jambo foramu Mpaka kieleweke, hapa hakuna utani Kotini tuwapeleke, mafisadi wa nchini Kila leo tuteseke, twaulizia kwanini? Amani nawatakia, wenzangu jambo foramu Saba nafika tamati, siwaagii njiani Ni mwisho si katikati, mjue wa kijiweni Ni nyie wana kamati, nawambiya kwaherini! Amani nawatakia, wenzangu jambo foramu Mwana JF, Choveki.

Thread starter Choveki
Start date Dec 29, 2007

Choveki

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Shairi: Amani nawatakia (wana JF)

Choveki

JF-Expert Member

Our Community

Regional Communities