Shairi: Itakuwaje nikifa?

ramadhani kimweri · 2022-03-21T19:25:30+00:00

Shairi: Itakuwaje nikifa? Kuna mda ninawaza, itakuwa je nikifa, Maswali najiuliza, nikifikiria kufa, Naogopa kujikweza, kuzikwepa mbaya sifa. Nisife kama fulani, kufa bila ya alama. Nataka nife shujaa, wakupambania haki, Nataka niache taa, ambayo haizimiki, Nikifa niache saa, nyakati kuzimiliki, Niziweke vitabuni, zitumike kila zama.. Nikifa nife kimwili, Niwe hai vitabuni, Mufukie wangu mwili, niwe nanyi akilini, Niache alama kweli, yenye tija duniani, Wanisome mashuleni, wanitaje kwa heshima.. Niandike madiwani, tungo za kila namna, Nitoe watu gizani, nimulike kila kona, Niiweke hadharani, elimu lofichikana Watu wote mubaini, lililo baya na jema.. Nikifa niache mali, kwa familia nyumbani, Wasije pata dhalili, kuteseka mitaani, Mana hamtowajali, Nikifa nimasikini, Niwachie pesa ndani, ili waishi salama.. Nikifa niache pengo, lisiloweza zibika, Tena mutunge na tungo, na vitabu kuandika, Muandike na mabango, mandishi yakisomeka, Baba juma buriani, tutakusoma daima.. [emoji2400]Ibn kimweri ( Baba juma) Ramadhanikimweri7@gmail.com Moshi – Kilimanjaro. TANZANIA. Mashairi mengine soma Shairi: Hakuna siri tena

Thread starter ramadhani kimweri
Start date Mar 21, 2022

ramadhani kimweri

Senior Member

Mar 21, 2022

Numbisa

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Shairi: Itakuwaje nikifa?

ramadhani kimweri

Senior Member

Numbisa

JF-Expert Member

Our Community

Regional Communities