Shairi la leo; Na Mussa Bwakila

Mphamvu · 2013-05-06T08:16:12+00:00

WIZARA ZIMEWASHINDA! Waziri Mkuu Pinda, metuacha na kololo! Aonesha bado kinda, bado amelala dolo! Kuongoza amepinda, liko wapi atendalo? Wizara zimewashinda Ninakuomba Mkubwa, naomba unisikie Umuondoe Kawambwa, Elimu simpangie Umempa kazi kubwa, ameshindwa nikwambie Wizara zimewashinda Nako wizara ya Maji, tunachokunywa matope! Matope hawayachuji, tupate maji meupe! Na huko kwenye vijiji, Maghembe kawa mapepe! Wizara zimewashinda Kilimo ndiyo kabisa, kwa kweli wamekiviza Mawaziri watutusa, wakulima wawaliza! Si kilimo cha kisasa, akifanyacho Chiiza! Wizara zimewashinda Nayo wizara ya Fedha, uchumi watelekeza! Mgimwa kakosa radha, haongozi anacheza! Nchi inataka kadha, kadha wa kadha ni giza! Wizara zimewashinda Rejea kwenye Nishati, wafanyalo hatuoni! Si hayati si mamati, wanatuweka kizani! Na TANESCO maiti, itajafufuka lini? Wizara zimewashinda Nako huko TAMISEMI, miji mekuwa mizigo? Kutwa kuchonga ulimi, ufanisi ni mdogo! Hawa Ghasia hasemi, wizara kwenda upogo! Wizara zimewashinda Turudi kwenye Michezo, Habari Utamaduni Huku nako ni uwozo, maendeleo sioni! Tunaomba muongozo, kinachokwamisha nini? Wizara zimewashinda Na wizara ya watoto, Simba sasa kawa Swala? Mpambana na mazito, leo mtu wa kulala! Kama niko kwenye ndoto, sijaamini Bwakila! Wizara zimewashinda Hizo nyingine wizara, Mkubwa unazijuwa! Ni chache zenye ubora, zingine zasuwasuwa! Fanya kukurukakara, mambo uyaweke sawa Wizara zimewashinda Wanakwenda msagunda, Mkubwa unawalinda? Ndege mpasua sanda, analia tutashinda? Nchi iko njia panda, hatujajua pa kwenda! Wizara zimewashinda Mussa Ally Salum Bwakila, Mussa_ally@ymail.com https://www.facebook.com/mussa.allybwakila?hc_location=stream

Thread starter Mphamvu
Start date May 6, 2013

Mphamvu

JF-Expert Member

May 6, 2013

majid musisi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Shairi la leo; Na Mussa Bwakila

Mphamvu

JF-Expert Member

majid musisi

Senior Member

Our Community

Regional Communities