Sikupendi (Shairi)

saidi bunduki · 2020-12-19T10:59:14+00:00

1. Penzi pendezo la moyo, kwa uliye mkhiyari Moyo usemapo ndiyo, na mwili huwa tayari Kwa jumla yote hayo, ndio pendo hutabiri ila wewe sikupendi, na wala huna kasoro 2. Nimechora kwenye jiwe, hakuna nilichopata Liwalo basi naliwe. Nilichoka kukuota Ulinipa nini wewe, mpaka nikakufata? ila wewe sikupendi, na wala huna kasoro 3. Mejikuta nakutaka, siku isiyo na saa Heti swaga zikashuka, kwako? Laa laa laa Nikakuona wacheka, hukutaka kukataa ila wewe sikupendi, na wala huna kasoro 4. Ukenda kwa zako shoga, haraka kunitangaza “Jama niwape m boga?, tayari kunitangaza Yule nilo mtakaga, leo amenitongoza ila wewe sikupendi, na wala huna kasoro 5. Ulinipa nini dada, nashindwa kutafakari Nafikiri kila muda, hwenda ikawa SIHIRI Kweli mapenzi uroda, ila hii ni shubiri ila wewe sikupendi, na wala huna kasoro 6. Tuwapo ndani wawili, hisia sina kabisa Nakuona ka rijali, mpaka pozi nakosa Nafanya kufosi mwili, sije niona KIBISA kwakweli inaniuma, sina njia ya kufanya 7. Kizito kitendawili, zaidi ya vya wahenga Kichwa changu chajadili, nahisi machenga chenga nikipiga moja chali, nishapoteza uwinga kwakweli inaniuma, sina njia ya kufanya 8. Wanipenda ki ukweli, hilo halinaga wasi Yasemekana hulali, nisije nikakuasi Lakini bado najali, upendo kwako nafosi kwakweli inaniuma, sina njia ya kufanya 9. Ukiniona furaha, washindwa hata kusema Maneno yangu mzaha, karibu uwe kilema Wapenda yangu fasaha, niendapo uko nyuma naumia roho yangu, mungu wangu nisamehe 10. Si kwamba wewe m baya, sijawa na mana hiyo Si kwamba wewe Malaya, si mtu wa mambo hayo Si maharage ya MBEYA, kuiva pasi mboyoyo naumia roho yangu, mungu wangu nisamehe 11. Uko radhi nile mimi , wewe ulale na njaa U radhi upigwe ngumi, unilinde mimi “daa” Yote tisa ila kumi, “wataka witwe mamaa naumia roho yangu, mungu wangu nisamehe 12. Nakuonea huruma, kwakweli nakuumiza Jinsi ninavokuchuma, ndugu nitakumaliza Roho yangu yaniuma, bora ungejiongeza naumia roho yangu, mungu wangu nisamehe 13. Mapenzi ni msawazo, si ya nguvu wala dawa Alama mlizonazo, angalau ziwe sawa Lipatikane tulizo, kila mtu awe powa naumia roho yangu, mungu wangu nisamehe 14. Nashindwa kukuambia, ubinadamu ni kazi Kila nikifikiria, siwezi tena siwezi Ila moyo waongea, kulikoni kinywa wazi naumia roho yangu, mungu wangu nisamehe 15. Najua ni yako haki, kunipenda si hatia Si kama hustahiki, kuwa wangu malikia Ila mapenzi ashiki, kwako haijatimia Ninajisikia dhiki, nahisi nakuonea 16. Unahaki msichana, kuwa na umpendae Kupata mno endana, maishani uwe nae Kwa kuwa umeniona, mimi ndio nikufae Muombe Mola jalali, anipe penzi na wewe 17. Sipendi nikusaliti, siijui kesho yangu Kwakuwa mejidhatiti, basi sina budi kwangu Twende nyumbani kibiti, wajue wazazi wangu Nitakuoa mamii, nikutulize dadaa Mtunzi & Mwandishi Saidi R Bunduki mrbunduki.com

Thread starter saidi bunduki
Start date Dec 19, 2020

saidi bunduki

Member

Dec 19, 2020

Shimba ya Buyenze

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Sikupendi (Shairi)

saidi bunduki

Member

Shimba ya Buyenze

JF-Expert Member

Our Community

Regional Communities