Stars kuanza kusaka heshima leo

kilimasera · 2011-01-05T03:42:12+00:00

TIMU ya Taifa ya Tanzania Taifa Stars leo inaanza kutupa karata yake ya kwanza katika mashindano ya nchi za Ukanda wa Bonde la mto Nile na Ziwa Victoria Nile Basin , itakapovaana na Burundi Indamba Murugamba , kwenye Uwanja Taifa mjini Cairo, Misri. Stars inayonolewa na Mdenish Jan Poulsen ambaye aliungana na timu hiyo juzi majira ya saa 8 usiku, inavaana na Burundi ikiwa na kumbukumbu ya kuilaza mabao 2-0 wakati wa mashindano ya CECAFA Chalenji hivi karibuni jijini Dar es Salaam, yote yakipachikwa na Nurdini Bakari. Katika hatua nyingine, nyota wawili wa Stars Rashid Gumbo na Athumani Machupa wanatarajiwa kukwea pipa leo kwenda jijini Cairo Misri kuungana na wenzao. Kwa mujibu wa Mkurugenzi wa Ufundi wa Shirikisho la Soka Tanzania (TFF), Sunday Kayuni, wachezaji hao, daktari wa timu na viongozi watatu walikwama kuondoka juzi baada ya kutokea mkanganyiko wa majina katika tiketi zao. Alisema, tiketi zilizokuwa zimetumwa zilikuwa zimechanganywa majina kwa wachezaji na viongozi hao hivyo kutofautiana na majina yaliyomo katika pasi zao za kusafiria, hali iliyoleta mkanganyiko na TFF kulazimika kuwasiliana na Shirikisho la Soka nchini Misri ili kuzifanyia marekebisho. Aliwataja viongozi wanaondoka na timu hiyo ni aliyekuwa Makamu wa kwanza wa Rais wa TFF, Cresentius Magori, Idd Mshangama, Merrey Balabhou na dakari wa timu hiyo Dk. Nandi Mwankemwa. Wakati Stars ikianza kampeni hiyo jioni, timu ya Taifa ya Kenya Harambee Stars mchana itakuwa na kibarua kigumu kwa kukumbuna na Sudan.

Thread starter kilimasera
Start date Jan 5, 2011

kilimasera

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Stars kuanza kusaka heshima leo

kilimasera

JF-Expert Member

Our Community

Regional Communities