Ubabe ukizoeleka utazaa usugu wa Taifa

mchonga · 2010-12-30T21:27:27+00:00

Ubabe umetumika kuzuia chaguzi za mameya katika halmashauri kadhaa nchini au kulazimisha chaguzi katika manispaa nyingine kinyume na taratibu. Tumeshuhudia wabunge wakipigwa hadharani, wananchi wakipigwa mabomu na wakurugenzi wakishinikizwa kupinda taratibu. Tumeshuhudia wanafunzi wakiandamana kwa amani na kupigwa mabomu. Tumeshuhudia vyama vya siasa vikinyimwa haki ya kukutana katika nchi huru. Tumeshuhudia vyombo vya habari vikitishwa au kubaguliwa katika kupewa habari. Tumeshuhudia wakuu wa vyombo vya habari, tena vya umma, wakifukuzwa kama mbwa koko kwa sababu eti tu, wamewapa wapinzani nafasi ya kuonekana! Kwa ubabe, wapinzani wanafanywa kuwa ni wabaya kuliko mafisadi, wabaka uchumi wa nchi, na hata magaidi. Nani ataiambia hii serikali ikasikiliza? Wana habari wamesema hawakusikilizwa; Wana harakati wakapuuzwa; Vyama vya upinzani vikaitwa majina mabaya badala ya kusikiliza hoja zake; Wazee wenye hekima waliobakia wakasema wakatukanwa; Viongozi wa dini wakasema na kuzushiwa kuwa wana udini; Wahisani wakadokeza na kuambiwa wafanye lililowaleta; Bunge likajaribu, spika akaundiwa zengwe na kupozwa kwa cheo feki; Nani mwingine aliyebaki? Watanzania wakiota sugu kwa ubabe huu, suluhu itapatikana kwa gharama kubwa. Nasema hivi kwa sababu, hata polisi wanaotumika kuwaumiza ndugu zao kwa mabomu, pia wao wana mahitaji. Siku polisi wakigoma, nani atawapiga mabomu?

Thread starter mchonga
Start date Dec 31, 2010

mchonga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Ubabe ukizoeleka utazaa usugu wa Taifa

mchonga

JF-Expert Member

Our Community

Regional Communities