Uchafuzi wa mazingira tarime

Muke Ya Muzungu · 2010-03-22T23:34:35+00:00

john mashaka aibuka, safari hii kwa kimatumbi... UCHAFUZI WA MAZINGIRA NORTH MARA Ndugu zangu watanzania, kila binadamua ameumbwa na haki sawa. Tumeumbwa kupendana na kuishi kwa furaha na amani. Haijalishi masikini au tajiri, haki za msingi za kibinadamu hazitambui nafasi ya mtu katika jamii. Wote tuna haki sawa ya kuishi maisha yenye afya furaha na amani. Kwa minajili hiyo hatuwezi kuukana na kuchelea ukweli kwa faida ya kitambo, Uwoga na tama vimefunika macho yetu wanajamii kwa ujumla pamoja na viongozi wetu kiasi kwamba mazingira yetu yanaharibiwa, na hata wanajamii wenzetu wanakufa pasipo sauti za kulaani vitendo hivyo viovu Katika muda wa wiki moja na nusu, nimepokea jumla ya emails 39 kutoka kwa watanzania mbali mbali wakinisihi kutafuta mbinu ya kuwasaidia ndugu zetu wilayani Tarime ambao wanahathirika na magonjwa ya ajabu ambayo yanatokana na uchafuzi wa Mazingira. Kusema kweli, picha zinazotoka huko, zinatisha na binadamu yeyote mwenye akili timamu au hutu kamwe hawezi kunyamaza. Kama wengi wenu mnavyofahamu, binafsi sina nguvu wala madaraka ya aina yoyote katika nchi yetu, ila kutokana na sauti za wengi, nimeamua kuwaandikieni ili tujadili kwa pamoja namna au jinsi tunavyoweza kushirikiana kama watanzania ili kutafuta ufumbuzi wa kudumu wa matatizo yetu Hatuwezi tena kuwategemea wanasiasa wetu, kwani wametusaliti. Baadhi ya wanaharakati waliokuwa mstari wa mbele kutetea wanyonge, wamegeuka kuwa makada wa mashirika ya kigeni yanayochafua mazingira yetu. Yupo mmoja ambaye majuzi tu aliweza kutamka wazi kwamba Taasisi za kitanzania ziweze kununua hisa za makampuni Fulani huko Uingereza huku wananchi na wamiliki wa mali zinazofanyiwa biashara huko Uingereza wanakufa. Hatuwezi tena kuwaamini viongozi kama hawa; muda umefika kwetu sisi kutafakari hatima yetu wenyewe Nawaombeni wenye ushahidi wa aina yoyote kutuma ili tuweze kuvifikisha kwenye vyombo husika nchini Canada (Canadian Senate) na pia katika taasisi ya dunia ya haki za binadamu. Lazima tuwe tayari kujitoa mhanga katika kukupigania haki zetu za msingi. Yaliyotokea Balluchistan, Chile na New Guinea yanatokea Tanzania. Ikibidi sheria za kimataifa kuhusu " mauaji ya alahiki" zitumike kuvileta makampuni yanayo waua wananchi wetu mbele ya sheria. Maisha yetu siyo ramisi. Ingawa wengi wetu ni masikini, lakini haki zetu za kibinadamu ni vitu ambavyo lazima tuwe tayari kuvipigania kwa nguvu zetu zote na kwa njia zote zile chini ya uongozi wa kisheria. Tanzania, ndio moja ya taifa pekee duniani ambayo wananchi wake wanauwawa, na viongozi wake (wasaliti) wakabaki kimya. Lazima tuondokane na adui yetu uoga ili tuweze kushinda unyanyasaji unaofanywa na mashirika haya yanayotuchafulia mazingira na kuhatarisha maisha yetu. Hatuwezi kuwa waoga na kisha tukajiita binadamu na wazalendo. Kwani binadamu ambaye hayupo tayari kufa kw akutetea haki yake, hana maana ya kuishi. Hawa waathirika hawana hatia, dhambiyao kubwa ni kuzaliwa masikini kwenye jimbo lenye madini mengi. Ikiwa serikali yetu haitatusikiliza, basi Stephen Harper, itabidi atusikilize ila hatuwezi kunyamaza tena, dunia lazima isikie ukatili wanaofanyiwa ndugu zetu wa Tarime na kwingineko Mtanzania Mungu Ibariki Tanzania John Mashaka mashaka.john@yahoo.com Fuata hizo links hapo chini http://udadisi.blogspot.com/2010/03/call-for-action-in-north-mara-gold-mine.html http://allan.lissner.net/category/someone-elses-treasure-tanzania/

Thread starter Muke Ya Muzungu
Start date Mar 23, 2010

Muke Ya Muzungu

JF-Expert Member

Mar 23, 2010

Muke Ya Muzungu

JF-Expert Member

Mar 23, 2010

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

General Forums
Habari na Hoja mchanganyiko

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts