Ushirikina wakimbiza walimu Mbozi

Rutashubanyuma · 2010-12-27T06:33:02+00:00

Ushirikina wakimbiza walimu Mbozi na Moses Ng'wat, Mbeya WALIMU 12 wa Shule ya Msingi Chindi iliyo wilayani Mbozi, Mbeya, wameacha kazi kutokana na madai ya kufanyiwa vitendo vya ushirikina. Habari kutoka shule hiyo iliyopo Kata ya msangano na kuthibitishwa na diwani wa kata hiyo, Omary Sinkara zinaeleza walimu hao wameondoka shuleni hapo katika kipindi cha miezi saba ya mwaka huu. Mwalimu Elia Ngaya ambaye ni miongoni mwa walimu walioacha kazi baada ya kufanyiwa vitendo hivyo aliwaambia waandishi wa habari kuwa tatizo hilo limedumu kwa zaidi ya mwaka mmoja licha ya wao kutoa taarifa kwa uongozi wa wilaya ya Mbozi. Akizungumzia kwa kina tukio hilo la kufanyiwa vitendo vya ushirikina vilivyopelekea yeye na wenzake kukimbia na kuacha kazi, Ngaya alidai wakiwa katika mazingira ya shule hupokea vitisho kutoka kwa baadhi ya wakazi wa kata hiyo hasa inapotokea kutoa adhabu kwa wanafunzi. Alisema miongoni mwa matatizo wanayoyapata baada ya kupokea vitisho kutoka kwa baadhi ya wazazi wa watoto shuleni ni kuanguka na kupoteza fahamu, kujisikia maluweluwe na wakati mwingine kujikuta macho yakipata giza wakiwa wanafundisha darasani. Aliongeza kuwa vituko vingine vya kishirikina wanavyofanyiwa ni wakati fulani kujikuta wakiwa wamelala nje na nyumba zao ambapo pia baadhi ya walimu waliwahi kujikuta wakiwa wamelala porini karibu na eneo la shule hiyo hali ambayo imezua hofu kubwa na wao kuamua kuacha kazi. Katika mazingira kama haya huwezi kuwa mvumilivu na kuendelea kufanya kazi, maana kuna wakati unajikuta uko nje ya nyumba tena ukiwa uchi, vitendo hivi ni vyakidhalilishaji sana kuna mambo siwezi kuyasema hapa ni aibu kubwa,sijui itakuiwaje lakini sisi tumeamua kuacha kazi, alisema Ngaya. Alisema tatizo hilo lilianza mwaka jana na kutoa taarifa kwa viongozi wa serikali ya kijiji na wale wa mila na hali ilitulia kwa muda,ambapo Desemba 17 mwaka huu walimu zaidi ya watano walirudiwa na tatizo hilo, hali iliyowalazimu kufanya maamuzi ya kuondoka shuleni hapo. Walimu hao walisema licha ya ofisa elimu wa wilaya hiyo, Gift Kyando, kupewa taarifa za walimu hao kufanyiwa vituko vya kishirikina wakiwa mazingira ya shule aliwatuliza kwa kuwaeleza watafute nyumba nje ya eneo la shule wakati ufumbuzi unatafutwa. Mratibu Elimu Kata ya Msangano, Elia Mwanyamba, alisema kitendo cha walimu 12 kuamua kuondoka shuleni hapo limewashtua na kwamba mbali na walimu hao lakini pia wahudumu wa zahanati iliyopo katani hapo nao wametishia kuondoka kufuatia kufanyiwa ushirikina. Aliongeza kuwa hadi sasa walimu wawili wamelazwa katika hospitali ya wilaya ya Vywawa kwa ajili ya matibabu baada ya wiki iliyopita kuanguka na kupoteza fahamu.

Thread starter Rutashubanyuma
Start date Dec 27, 2010

Rutashubanyuma

JF-Expert Member

Dec 27, 2010

Rutashubanyuma

JF-Expert Member

Dec 27, 2010

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Elimu (Education Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts