Uzembe wawaponza walimu wakuu Mwanza

kilimasera · 2010-12-18T17:11:57+00:00

WALIMU wakuu wa shule tatu za msingi za jijini Mwanza wamevuliwa nyadhifa hizo kutokana na kukiuka taratibu za usajili wa wanafunzi waliomaliza darasa la saba mwaka huu. Hatua hiyo ni moja ya mapendekezo yaliyotolewa na kikao cha kamati ya mkoa ya uteuzi wa kupitisha wanafunzi waliopendekezwa kujiunga na kidato cha kwanza mwakani ambapo kiliridhia kuvuliwa madaraka kwa walimu wakuu waliokiuka taratibu za usajili wa wanafunzi. Katika mahojiano na gazeti hili jana, Ofisa Elimu Taaluma wa Jiji la Mwanza, Elizabeth Mlekwa alisema kati ya walimu hao, wawili ni wa wilaya ya Nyamagana na mmoja ni kutoka wilaya ya Ilemela. Katika mtihani wa darasa la saba uliofanyika Septemba mwaka huu, dosari mbalimbali zilijitokeza ikiwa ni pamoja na baadhi ya walimu wakuu kutofautisha namba za watahiniwa hali iliyosababisha Ofisa Elimu wa wilaya husika kuhakiki usaili wa kwenye karatasi na kompyuta. Aidha dosari nyingine kuwa ni pamoja na baadhi ya wasimamizi kutokuwa makini katika kufunga bahasha za kurudisha majibu ambapo wasimamizi hao hawatapewa tena kazi ya usimamizi wa mitihani. Nyingine ni baadhi ya wasimamizi kutoingiza karatasi za majibu za watahiniwa ndani ya bahasha ya majibu ambapo nao watachukuliwa hatua ya kutopewa tena nafasi ya kusimamia mitihani. Mlekwa alisema hatua hiyo pia itasaidia katika kuhakikisha walimu wakuu wanakuwa makini katika kukuza kiwango cha elimu kwenye shule zao. Hata hivyo hakuwa tayari kuzitaja shule ambazo walimu wakuu wamevuliwa nyazifa hizo na nafasi hizo kupewa walimu wengine Hivi karibuni ofisa elimu mkoa wa Mwanza, Ramadhan Chomola akitangaza matokeo ya darasa la saba alisema, kiwango cha ufaulu wa wanafunzi wa darasa la saba mkoani hapa kimepanda kutoka asilimia 52 mwaka jana hadi kufikia asilimia 58.64 ambapo wanafunzi 52,447 kati ya 89,434 wamechaguliwa kujiunga na sekondari mbalimbali zikiwemo za watoto wenye vipaji maalumu.

Thread starter kilimasera
Start date Dec 18, 2010

kilimasera

JF-Expert Member

Dec 18, 2010

Gad ONEYA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts