Vita baridi vya mashariki ya kati

Idd Ninga · 2018-01-28T21:25:51+00:00

Pichani ni wanachama na wapenzi wa kundi la Arusha Poetry Club. Kundi kuwa la wafia nchi walijikusanya katika uwanja wa vita kwa ajili ya kuanza vita vikali vya mashariki ya kati. Vita vilivyoandaliwa kwa muda mrefu ili kumaliza mpambano wa kimaneno wa siku nyingi. makamanda waote walikuwa tayari wameandaa vifaru na mabomu ili kuanza vita. himaaaa himaaaaaa...... jeshi letuuuuuu....... zilikuwa sauti za wapiganaji wakihamsha mori. haya sasa kikosi cha mizinga kisonge mbele..... kamanda alihamrisha mashujaa wake wakae tayari kwa mashambulizi. ghafla sauti toka mlimani ikasikika ikisema: 1)Washairi kulumbana,ni nani alianzisha ? Washairi kugombana,lini tutatamatisha washairi kuchukyana,jambo hili linatisha Vya maneno vinachosha,vi vita vya washairi. 2)Washairi kupambana,jambo lisifurahisha Washairi kuungana,itaja tufunganisha Washairi kushikana,yaweza tuunganisha Vya maneno vinachosha,vi vita vya washairi. 3)Washairi ndugu moja,mungu katukutanisha Tushaikaneni pamoja,manenoya twangusha Na subiri tukingoja,kabla kujitamkisha Vya maneno vinachosha,vi vita vya washairi. 4)Washairi kupendana,babu alitufundisha Washairi kuzozana,kuna mengi litafisha Upendo na kupendana,nuru kutaiwakisha Vya maneno vianachosha,vi vita vya washairi. 5)Kujiona ni mabingwa,ndiyo sumu twajilisha Baraka zote zafungwa,kitungo nawajulisha Kama balaa lajengwa,na miba tunajivisha Vya maneno vinachosha,vi vita vya washairi. 6)Tushikaneni mikono,bila kujitenganisha Tuviache vimaneno,vya weza tuchonganisha Na kuleta malumbano,kisha kutupiganisha Vya maneno vinachosha,vi vita vya washairi 7)Hovyo hovyo semeana,jambo hili lakondesha Ni ya nini kupondana,ni maovu twaendesha Tupendaneni kwa sana,sanaa kunenepesha Vya maneno vinachosha.vi vita vya washairi 8)Kushaanza kulogana,tuhuma twazifurusha Haya tena twatajana,zetu jina twaangusha Hivi twavyofurushana,sifa zetu twachachusha Vya maneno vinachosha,vi vita vya washairi SHAIRI -VITA VYA WASHAIRI MTUNZI-Idd Ninga wa Tengeru Arusha iddyallyninga@gmail.com +255624010160 haya ni maji na tushayavulia nguo,nyinyi kina nani hadi mzuei vita vyetu,sisi ni mamwiji wa ardhi hii tutapigana mpaka mwisho wa dunia....... sauti ya kamanda inasikika akizungumza kwa hasira kali vita vita vita vita vita vita..... wanajeshi walisikika wakiimba . ghafla wingu zito linatanda angani,jua linazika ghafla mwezi mchana unatokea. wanajeshi wanaanza kutetemeka kwa hofu. panaonekana kivuli kutoka angani kikishuka chini na kuimba kwa sauti ya upole Kwa nguvuye ushairi,natema moto na radi Vitu vilivyo hatari,iwapo sikujirudi Unidhanie amiri,mahali penye junudi Kutoka kielelezo cha fasili Shaaban bin Robert(1968) Ukurasa 21 wingu linapotea na hali ya kwaida inarudi. ndiooooo huu ni uoga wetu hakuna kitu hapa.......kamanda anasema kwa kujidai tusitishike hizi ni dali za sisi kushinda vita.....shujaaa mmoja anasema lakini akionekana kuogopa. Mwanajeshi mmoja aliekuwa tayari amebeba silaha yake ya kirusi maarufu kama a.k.a 47 anakamatia bundiki huku akiwa amepiga magoti mbele ya wanajeshi wenzake na kuwaambia Shaha Bola Kiburi utanguliza, maangamizi makuu Mashindano yachukiza, usione kwenda juu Letu kujinyenyekeza, twajua mwenye ukuu Mizozano yaumiza, muhali ona nafuu Shaha Bola SHAHA BOLA toka toka tutakupiga risasi,wewe ni si shujaa wewe ni muoga sana......mwanajeshi mmoja anamvuta kwa hasira nusura ampige. wenzake wanamkimbilia na kumshika. triiiiiii puuuuuu paaaaaa triiiiiii paaaaaa.........sauti ya radi inapiga huku jua likiwa linawaka' tukimbieni hapa tutakufa...... shujaaa mmoja anaonekana akikimbia huku baadhi wakimfuata. wanajeshi wengine wanabaki kutulia kikakamavu kwani kulingana la sheria za jeshi lao hawaruhusiwi kukimbia. katika kati yao panatimka vumbi kubwa linaloziba macho yao na anaonekana kama mtu kutoka katika vumbi hilo akisema: VITA VYA WATUNZI. Mi malenga mpekuzi,na pia mwana mchina. Majina haya ya kazi,muyajue kwa bayana. Hubi wangu laazizi,huniita wake mwana. Sote tutafuatana,kiswahili kukienzi. Watunzi wa zile enzi,jamani walipendana. Tena walikuna nazi,mtini walikutana. Haki hawakuwa wezi,kwa tungo kuibiana. Sote titafuatana,kiswahili kukienzi. Hawakuwa wabeuzi,na hawakuchukiana. Walikuwa moja ngozi,ili kushirikiana. Ndipo nawapa pongezi,kazi yao ya maana. Sote tutafuatana,kiswahili kukienzi. Hadi leo hata juzi,watunzi wanapendana. Na wenzao hawambezi,wanawatunza vijana. Watunzi si wanyakuzi,nudhuma kunyakuana. Sote tutafuatana,kiswahili kukienzi. Na lugha waliienzi,ngeli wakachambuana. Maovu walihirizi,kweli waliteteana. Walitufunza malezi,tena yalo bora sana. Sote tutafuatana,kiswahili kukienzi. Wale wa sasa washenzi,wanaeneza fitina. Wanatutia ajizi,usiku hata mchana. Kweli hili ni simanzi,watunzi tuna laana. Sote tutafuatana,kiswahili kukienzi. Yananitoka machozi,ninaumiya mchina. Kuona vile watunzi,heshima kuvunjiana. Hata wapikapo mbizi,hadhi wanashushiana. Sote tutafuatana,kiswahili kukienzi. Nawambia waziwazi,tuishi tukipendana. Tulishane hata ndizi,kwa begani kushikana. Waswahili waokozi,shida wanaokoana. Sote tutafuatana,kiswahili kukienzi. Msinione mchizi,nipotimamu mchina. Hewani tutabarizi,Diani tukikutana. Ninaondoka wapenzi,nawaacha kwa Rabana. Sote tutafuatana,kiswahili kukienzi. Malenga Mpekuzi. Abdulhafit M Farah. #mwana_mchina. COUNTY HIGH SCHOOL-GARISSA. anapotea kusikojulikana. nini hiiii......... au labda tumekuja kupigana katika uwanja wenye laana...... hapana hapa kutakuwa kuna mchezo wa mazingaombwe tunafanyiana........ kamanda mmoja anajiuliza na kujijibu mwenyewe. mwanajeshi mmoja anwasha gari lake,anakimbia na kwenda kukaa mbali na wenzake anawaambia: MWUNGWANA SINENI. Mungwana ninene nini,yeshanenwa ya kunenwa, Palishanenwa zamani,'mema yalishatafunwa', Kimya changu mdomoni,ingali vazi lachanwa, Sitanena yalonenwa,la kufa halina dawa. * Mwungwana akichutama,aibu humuepuka, Kahofia kusimama,ya utupu kuoneka, Aliyejipa kilema,habathi alojitwika, Sitanena yalonenwa,la kufa halina dawa. * Ngoma ikivuma sana,husikika mpasuko, Alowamba ngoma jana,kasababisha mauko, Matao hayako tena,tamu ya ngoma haiko, Sitanena yalonenwa,la kufa halina dawa. * Inaonekana nuru,nuru yaliwa na kiza, Waja tuliidhukuru,tahamaki yatuliza, Tulitaraji shukuru,leo tunaomboleza, Sitanena yalonenwa,la kufa halina dawa. * Wa kutufuta machozi,sababuye tunalia, Ile yetu mun'tazi,kimako twaimakia, Inachuna zetu ngozi,wangwana tunaumia, Sitanena yalonenwa,la kufa halina dawa. Ally Sufiani, Tanzania. hivi vita mimi siviwezi piganeni wenyewe,mimi narudi zangu nyumbani......mwanajeshi huyo anasema Yalo nenwa usinene,bora uwe jito toko! Uziepuke senene,na mangi mahangaiko ishima muekeane,na udugu wa mashiko! Halina dawa lakufa,usiambe yaloambwa! Abu-Bakari Jabu Salim KUNANI? Sijui anga ninjozi,au ni hali halisi.... Mananeni usingizi,hivi hivi najihisi.. Au kelele zajuzi,zisonipa usingizi! NAUZA KWANI KUNANI,WASHAIRI WALUMBANA! @ Nikasikiza vizuri,ni upepo nayo kusi.. Wavuma sivyo vizuri,uvumavyo unakasi.. Nikawasha kibatari,kwa wingi wa wasi wasi. NIKIYAUZA VIZURI MALUMBANO YA CHIBERO! @ Kitandani sikutuwa,pole nikapajilisi.... Mara ikaanza mvuwa,kibarabando nakusi. Hapo ndipo nilijuwa,mkubwa mola qudusi. KUNANI NIKIYAUZA KILA KONA NI MATUSI! @ Moyo ukawa wadunda,mbio mbio nadadisi. Ino ndio parapanda?kiama chaja upesi. Mbona nipo njia panda,yarabi nipa wepesi NIKIUZATO NI NINI NIULUMBI WAUSHINDI! @ Kusi yaja kwa gharika,mvua nayo mwendo kasi. Huku ninabagarika,baridi juu utosi.... Gafula nikagutuka,haraka tena upesi NIKIJARIBU KUUZA,HAKUNA ANOELEWA! MTUNZI-Mzora Swalehe Apigweee apigweee,apigwe huyo apigwe.............. wanajeshi wa pande zote mbili wanaanza kuokota mawe na kumrushia mwenza.... JE NINI KITAENDELEE.....USIKOSE SEHEMU YA PILI MKUSANYAJI-Idd Ninga wa Tengeru Arusha +255624010160 iddyallyninga@gmail.com vWATWWW WATUNZI: Idd Ninga Shaha Bola Abuu Bakari Jabu Salamu Abdulhafit De Speaker Mzora Swalehe Ally Sufiani

Thread starter Idd Ninga
Start date Jan 29, 2018

Idd Ninga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Vita baridi vya mashariki ya kati

Idd Ninga

JF-Expert Member

Our Community

Regional Communities