Wanafunzi 40 warudishwa masomoni UDSM

bampami · 2012-01-23T15:39:51+00:00

ONGOZI wa Chuo Kikuu cha Dar es Salaam (UDSM) umewarejesha masomoni wanafunzi 40 kati ya 43 waliosimamishwa na kuhojiwa kuhusu uchochezi wa vurugu na migomo chuoni hapo kwa kuwa hawana hatia. Aidha, umewakuta na kesi ya kujibu wanafunzi watatu waliohojiwa katika awamu ya kwanza ya mahojiano yanayoendelea kwenye Hoteli ya Blue Pearl, Ubungo Dar es Salaam na kuagiza wafikishwe mbele ya Kamati ya Nidhamu ya Chuo hicho, inayotarajiwa kukutana Februari 28, mwaka huu. Akizungumza na gazeti hili jana, Waziri Mkuu wa Serikali ya Wanafunzi wa Chuo hicho (DARUSO), Hassan Mustapha alisema miongoni mwa wanafunzi waliohojiwa na kukutwa na kesi ya kujibu ni Katibu wa Bodi ya Daruso, Shaibu Ado. Lakini Ado anahaki ya kuwasilisha ushahidi mwingine kwa uongozi unaoendesha mahojiano ili hatua hiyo ya kujieleza kwa Kamati ya Nidhamu itenguliwe, kwa hiyo mabadiliko yanaweza kutokea endapo atafanikiwa kufanya hivyo kabla ya tarehe ya kikao hicho, alisema Mustapha. Kwa mujibu wa Mustapha, walioachiwa huru walielezwa juu ya kutopatikana na hatia wakati mahojiano ya kila mmoja yalipomalizika. Kila aliyehojiwa na kutakiwa kurejea chuoni aliambiwa akachukue barua yake siku iliyofuata, akiwemo Rais wa Daruso, Kilawa Simon. Wengine waliotakiwa kuendelea na masomo chuoni hapo ni Naibu Spika wa Bunge la Wanafunzi, Mwalo Innocent, aliyefukuzwa Januari 09, mwaka huu na mawaziri waliokuwa wamesimamishwa; Yahaya Kiyabo (Fedha) na Kanyondo William (Mazingira na Maji). Naibu mawaziri waliorejeshwa ni Janeth Mwalupilo (Mawasiliano), Erick Mfugale (Michezo), Geofrey Steven (Katiba na Sheria) na wengine ambao Mustapha alidai kutokumbuka vizuri majina yao. Hao ndio ninaowakumbuka kwa sasa, wengine kama Spika wa Bunge bado hawajahojiwa. Lakini mahojiano yanaendelea leo sasa huenda akawepo kwenye awamu hiyo ya pili, alisema Mustapha. Uamuzi wa kufukuza wanafunzi 13 Januari 9, mwaka huu na kuwasimamisha wengine 186, ulitangazwa na Makamu Mkuu wa Chuo hicho, Profesa Rwekaza Mukandala baada ya wanafunzi hao kutuhumiwa kuchochea, kufanya vurugu na migomo iliyolenga kushinikiza wenzao 48 waliofukuzwa Desemba 14, mwaka jana warejeshwe bila masharti.

Thread starter bampami
Start date Jan 23, 2012

bampami

JF-Expert Member

Jan 23, 2012

Mphamvu

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wanafunzi 40 warudishwa masomoni UDSM

bampami

JF-Expert Member

Mphamvu

JF-Expert Member

Our Community

Regional Communities