Wanaume Kenya waoongoza kwa uzinzi

Pdidy · 2009-11-16T18:44:17+00:00

Wanaume Kenya waoongoza kwa uzinzi Written by Administrator Monday, 16 November 2009 10:18 NAIROBI,Kenya UTAFITI mpya umeonesha kuwa wanaume nchini Kenya wanakuwa na vimada zaidi ya watatu katika kipindi cha maisha yao tofauti na inavyokuwa kwa wanawake. Kwa mujibu wa taarifa ya utafiti uliofanywa hivi karibuni na taasisi ya Kenya Demographic Health Survey (KDHS) wastani wa asilimia 6.3 ya wanaume wanavimada ikilinganishwa na asilimia 2.1 ya wanawake. Ripoti hiyo ilieleza kuwa wanaume kutoka mikoa ya Kati ndio wanaoongoza kwa kuwa na asilimia 8.3 ya nyumba ndogo ikifuatiwa na mikoa ya Magharibi mwa nchi ambayo ina asilimia 8.1 Wanaume kutoka Mikoa ya Pwani wameripotiwa kuwa na wastani wa asilimia 7.8 ya vimada wakati mikoa ya Rift Valley imeonesha kuwa na asilimia 6 ya wanaume wenye nyumba ndogo huku maeneo ya Nairobi na Nyanza yakifuatia baada ya kubainika kuwa na asilimia 5.6. Utafiti huo ambao ulifanyika mwishoni mwa mwaka jana na mapema mwaka huu uliwahusisha wanaume 2,633 na ukaonesha kuwa idadi ndogo ya wanawake ndiyo inakuwa na mpenzi wa nje. Katika Mikoa ya Kati imeonekana kuwa idadi ya wanawake wanaokuwa na wapenzi zaidi ya mmoja katika maisha yao ni wastani wa asilimia 2.7 wakati wanawake katika mikoa ya Magharibi na Mashariki ina wastani wa asilimia 2.3 ya wanawake. Ripoti hiyo ilisema kuwa wanawake na wanaume walioolewa na kuoa ndio wanakuwa na wapenzi wawili ama zaidi ikilinganishwa na wale ambao hawajaolewa ama kuoa au waliotengana katika ndoa. Katika ripoti hiyo imeelezwa kuwa wanandoa waliotengana ama wajane wanakuwa na wapenzi wawili. Imebainika pia katika utafiti huo watu wenye umri kati ya miaka 40 ni wachache wanaojihusisha na masuala ya uzinzi.

Thread starter Pdidy
Start date Nov 16, 2009

Pdidy

JF-Expert Member

Nov 16, 2009

Pdidy

JF-Expert Member

Nov 16, 2009

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

East African Forums
Kenyan News and Politics

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts