Wasaka hifadhi kwa Kilango

Pdidy · 2009-12-08T07:20:17+00:00

08 December 2009 Na Yusuph Mussa Same, KILIMANJARO BAADHI ya wananchi wa Kijiji cha Goha, Kata ya Myamba wilayani Same, Kilimanjaro, wamekimbilia katika nyumba aliyofikia Mbunge wa Same Mashariki Bi. Anne Kilango Malecela wakiamini watakuwa salama, baada ya kunyesha mvua kubwa usiku wa kuamkia jana. Kitendo cha mvua hiyo kuwahamisha watu katika nyumba zao na kwenda alipofikia mbunge wao kijijini hapo aliyefika kwa nia ya kutoa msaada wa fedha na vitu mbalimbali, kilimweka roho juu Bi. Kilango kwa kuhofia maisha yake, huku akipiga simu kila mahali kuomba msaada wa kufanyiwa uchunguzi haraka kama milima hiyo ni salama ama la. Wakizungumza na mwandishi wa habari hizi jana, baadhi ya wananchi walisema mvua hiyo ni mwendelezo wa nyingine iliyonyesha usiku wa kumkia Desemba 5, lakini hiyo haikuwa kubwa kama hiyo iliyonyesha usiku wa kuamkia jana, na kusema sasa hivi hawana amani mvua inaponyesha. "Sasa hivi hatuna amani mvua inaponyesha, kwa kweli tunaombea isinyeshe kabisa, kwani inaponyesha tupo tayari tunyeshewe sababu tunatoka nje kuona kutatokea nini, lakini sasa hivi hakuna mtu anapata usingizi akisikia mvua inanyesha usiku" alisema Bi. Naetwa Nkulu (80). Bi. Kilango alimtaka Waziri Mkuu Bw. Mizengo Pinda kuharakisha wataalamu watakaoenda kuchunguza kwa kina miamba kama ipo salama kwa watu kuishi, kwani kati ya kata 14 za jimbo lake 10 zipo milimani, hivyo kutishia maisha ya watu. nyamayao nyingine hiyo tena

Thread starter Pdidy
Start date Dec 8, 2009

Pdidy

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wasaka hifadhi kwa Kilango

Pdidy

JF-Expert Member

Our Community

Regional Communities